Astanada jastar men jasóspirimder arasyndaǵy qurlyqtyq doda ótip jatyr. Baıraqty básekege 23 memleketten 500-ge jýyq qatysýshy keldi, dep habarlaıdy almaty-akshamy.kz
Bul – ózindik rekord. Kúni keshe alǵashqy medaldar jıyntyǵy sarapqa salynǵan. Nátıjesinde el namysyn qorǵap jatqan órender 21 márte jeńis túǵyryna kóterildi. Onyń altaýy altyn júldeger atanyp, ánuranymyzdy shyrqatty.
Atap aıtqanda, qyzdar arasynda Aıajan Sydyq, Tolǵanaı Qasymhan jáne Alına Kýdaıbergenova óz salmaqtarynda qarsylas shaq keltirmedi. Al uldar arasynda Aldıar Bahadýr, Jandos Alpysbaev jáne Beksultan Qaıratuly top jardy.
Jalpykomandalyq esepte Úndistannan kelgen boksshylar top bastap tur. Olardyń enshisinde 10 altyn júlde bar. Ekinshi orynda qazaqstandyq qyz-jigitter bolsa, kórshi ózbek eliniń ókilderi úzik úshtikti túıindedi. Azıa chempıonaty aıasyndaǵy medaldar búgin de taratylady. Iaǵnı, búgin – sońǵy jarys kúni jáne sonyń nátıjesinde jarystyń jalpy qorytyndy jasalady.