Tótenshe jáne ekstremaldy jaǵdaılarda adamdardy qutqarý - eń qıyn ári jaýapty mamandyqtardyń birin tańdaǵan o3-shi dárejeli álpınıs Dastan Qydyrmollaev qutqarýshy bolyp 2023 jyldan bastap jumys isteıdi. Adamdarǵa kómektesý onyń basty motıvatory bolyp tabylady, alǵashqy jumys kúnderinen bastap odan ári nyǵaıa tústi, dep habarlaıdy aqshamnews.kz.
Qutqarýshy bolyp jumys istegen qysqa merzim ishinde Dastan Qazaqstannyń kóptegen óńirlerinde bolyp, tótenshe jaǵdaılar aımaqtarynda jumys istedi, atap aıtqanda adamdardy qar qursaýynda, taýly jerlerde qutqarý jumystarynda, bıik nysandarda, jol-kólik oqıǵalaryna ushyraǵan adamdarǵa kómek kórsetýde, sondaı-aq ózenderde ótpe joldardy uıymdastyrýǵa qatysty.
Qysqa merzim ishinde Dastan álpınızm boıynsha úshinshi razrádqa ıe bolyp, arnaıy avarıalyq-qutqarý quraldaryn qoldanýdy jáne olardy jumysta qoldanýdy úırendi, TJ-da zardap shekkenderge alǵashqy kómek kórsetýdi, eń qıyn jaǵdaılarda jaýapty sheshimder qabyldaý daǵdylaryn ıgerdi.
Kýsh aýylynda joǵalǵan úsh jasar balany izdeý jumystary onyń alǵashqy shaqyrtýlarynyń biri boldy.
Ol Qordaı asýynda qıyn klımattyq jaǵdaılarda qar qursaýynda qalǵan adamdardy qutqarý operasıasyna da qatysty.
«Meniń tańdaǵan mamandyǵymdy týystarym men jaqyndarym qoldaıdy», - dep Dastan bólisti. Barlyq qıyndyqtarǵa qaramastan, ol óz mamandyǵyn baǵalaıdy jáne Respýblıkalyq jedel-qutqarý jasaǵy sıaqty uıymshyl ujymda qutqarýshy qyzmetin ári qaraı jalǵastyrýǵa nıetti. Ózara kómek pen dostyq Tótenshe jaǵdaılar mınıstrligi qutqarýshylarynyń tabysty jumysynyń negizi bolyp tabylady.
Bolashaqta Dastan qutqarýshy–álpınıs retinde óz daǵdylaryn jetildirýge, sondaı-aq súńgýir isin ıgerýge jáne halqymyz ben Otanymyzdyń ıgiligi úshin jumys isteýge bar kúshin salady!