Toyota Alphard kóligi 2024 jylǵy 17 tamyzda kezekti jol apatyna túsip, birden alty adamnyń ómirin qıǵannan keıin «ajal kóligi» atandy. Tómende sońǵy bes jyl ishinde osy kóliktiń qatysýymen bolǵan jol apattarynyń málimetterin usynamyz.
- 2020 jylǵy aqpan — Samara-SHymkent tas jolynda Toyota Alphard kóligimen bolǵan jol apatynan eki adam qaza taýyp, taǵy ekeýi jaraqat aldy;
- 2020 jylǵy tamyz — Aqtaý-Jańaózen tas jolynda Toyota Alphard kóligimen bolǵan jol apatynan tórt adam qaza tapty;
- 2021 jylǵy mamyr — jedel járdem kóligi men Toyota Alphard kóligi qıylysta soqtyǵysty, jedel járdemde júkti áıel bolǵan;
- 2022 jylǵy aqpan — Oral-Atyraý tas jolynda Toyota Alphard kóliginiń aýdarylýynan bir adam qaza taýyp, taǵy biri aýrýhanaǵa jetkizildi;
- 2022 jylǵy sáýir — Samara-SHymkent tas jolynda Toyota Alphard kóliginiń qatysýymen bolǵan jol apatynan jeti adam jaraqat aldy;
- 2022 jylǵy maýsym — Jetisý oblysynda Toyota Alphard kóliginiń qatysýymen bolǵan jol apatynan eki adam qaza taýyp, segizi aýrýhanaǵa jetkizildi;
- 2022 jylǵy shilde — Aqtóbe oblysynda Toyota Alphard kóligimen bolǵan jol apatynan bir adam qaza tapty.
- 2022 jylǵy qazan — Jambyl oblysynda Toyota Alphard pen avtobýs soǵysyp, jol apatynan bir adam qaza taýyp, úsheýi jaraqat aldy;
- 2022 jylǵy qazan — Pavlodar oblysynda Toyota Alphard kóligimen bolǵan jol apatynan zeınetker qaza tapty;
- 2023 jylǵy aqpan — Batys Qazaqstan oblysynda Toyota Alphard kóligimen bolǵan jol apatynan eki adam qaza tapty;
- 2023 jylǵy aqpan — Samara-SHymkent tas jolynda Toyota Alphard kóligimen bolǵan jol apatynan eki adam qaza taýyp, beseýi jaraqat aldy;
- 2023 jylǵy mamyr — Soltústik Qazaqstan oblysynda Toyota Alphard kóligimen bolǵan jol apatynan bes adam jaraqat alyp, bireýi qaza tapty;
- 2023 jylǵy maýsym — Qostanaı oblysynda Toyota Alphard kóligimen bolǵan jol apatynan ákesi men balasy qaıtys boldy;
- 2023 jylǵy shilde — Qostanaı-Sarykól tas jolynda Toyota Alphard kóliginiń qatysýymen bolǵan jol apatynan eki júrgizýshi qaza tapty;
- 2023 jylǵy shilde — Samara-SHymkent tas jolynda Toyota Alphard kóligimen bolǵan jol apaty taǵy bir adamnyń ómirin qıdy;
- 2023 jylǵy tamyz — Qaraǵandy-Balqash tas jolynda Toyota Alphard kóligimen bolǵan jol apatynan 13 adam jaraqat aldy;
- 2023 jylǵy tamyz — Shymkent-Samara tas jolynda Toyota Alphard kóliginiń aýdarylýy saldarynan bir adam qaza tapty;
- 2023 jylǵy tamyz — Qostanaı oblysyndaǵy jolda Toyota Alphard kóligimen bolǵan jol apatynda jolaýshy tirideı janyp ketti;
- 2023 jylǵy qarasha — Tarazda joldyń ústinde otyrǵan er adamdy Toyota Alphard kóligi qaǵyp ketip, oqıǵa ornynan qashyp ketti;
- 2023 jylǵy jeltoqsan — Aqtóbe oblysynda Toyota Alphard kóligi júk kóligimen soqtyǵysyp, eki mektep oqýshysy qaza tapty;
- 2023 jylǵy aqpan — Qyzylorda oblysynda «QazAvtoJol» qyzmetkeri qyzmettik mindetterin oryndaý kezinde Toyota Alphard kóliginiń qatysýymen bolǵan jol apatynda qaza tapty;
- 2024 jylǵy maýsym — Aqtóbede Toyota Alphard kóligimen bolǵan jol apatynan tórt adam qaza taýyp, taǵy bireýi aýrýhanaǵa jetkizildi;
- 2024 jylǵy 17 tamyz — Toyota Alphard kóligi qatysqan jol apatynan alty adam qaza tapty, onyń ishinde eki polısıa qyzmetkeri bar.
Aıta ketý kerek, bul kólikter kóbinese oń jaq róldi bolyp keledi nemese róli sol jaqqa beıimdelgen. Júrgizýshiler kóbinese bul kólikterdi qalaaralyq tasymaldarǵa paıdalanǵan kezde joǵary jyldamdyqpen júredi.