2014-2018 jyldary qurylǵan "Nurkent", "Zerdeli", "Jas Qanat" shaǵynaýdandarynda qala bıliginiń shuǵyl aralasýyn talap etetin birqatar problemalar sheshimin taýyp jatyr, dep habarlaıdy Almaty-akshamy.kz.
Ákimniń orynbasary M. Ázirbaev joǵaryda atalǵan shaǵynaýdandardaǵy jaǵdaı týraly aıta kele, qazirgi ýaqytta "Zerdeli" shaǵynaýdanynda turǵyn úılerdi nyǵaıtý boıynsha jumystar júrgizilip jatqanyn atap ótti. Nyǵaıtýdy qajet etetin 30 úıdiń 20-y aıaqtaldy, qalǵan úıler kelesi jyly nyǵaıtylady, sondaı-aq aýla aýmaqtary abattandyrylady.
Sonymen qatar, "Nurkent" turǵyndarynyń ótinishi boıynsha 18 turǵyn úıdiń qasbetterin aǵymdaǵy jóndeý boıynsha jumystar júrgizilýde, olardyń 16-y búgingi kúni aıaqtaldy, 2 úı aıaqtalý satysynda, sondaı-aq aýla aýmaqtaryn abattandyrý aıaqtalýda.
Áleýmettik nysandardy damytý jáne salý aıasynda aýlaishilik keńistikte jer ýchaskesi satyp alynady jáne 320 oryndyq balabaqsha salynady.
"Jas Qanat" shaǵynaýdanyndaǵy 30 aýlada balalar men sport alańdaryn jóndeý jáne ornatý jumystary júrgizilýde.