Almaty polısıasy el Prezıdenti Qasym-Jomart Toqaevtyń tapsyrmasy aıasynda “qoljetimdi polısıa” jumysynyń jańa formatyna sáıkes keshendi sharalar qabyldaýda.
Bul baǵyttaǵy basym býyn – ýchaskelik polısıa ınspektorlary.
«Búginde ýchaskelik polısıa ınspektorlary qylmystyń aldyn alýdyń jalpy júıesiniń negizgi býyny sanalady. Negizinde, tek qana solar turǵyndarmen turaqty túrde jeke baılanysta bolady. Osyǵan oraı, sondaı-aq halyqtyń quqyq qorǵaý organdaryna degen senim deńgeıin arttyrý, polısıa men ákimshilik aýmaqtarda turatyn azamattar arasyndaǵy áriptestik qarym-qatynasty qurý jáne damytý, olardyń qyzmettik qyzmetiniń tıimdiligin arttyrý, qylmystyń ońdy formasy men ádisterin taratý maqsatynda 1 qarasha men 30 qarasha aralyǵynda “Sizdiń ýchaskelik polıseı” respýblıkalyq naýqany ótip jatyr», – dedi Almaty qalalyq PD JPQB bastyǵynyń orynbasary Dıas Dýanbekov.
Búginde ýchaskelik polısıa ınspektorlary mobıldi jáne únemi baılanysta. Olar – PIK, OSI jáne aımaq turǵyndarymen bir chatta, messendjerlerde. Naýqan barysynda polısıa qyzmetkerleri ákimshilik aýmaqta ornalasqan árbir úı men páterlerdi aralap, turǵyndarǵa polısıa qyzmetkeri men ýchaskelik polısıa bólimshesiniń baılanys derekteri jazylǵan ózderiniń esimhattaryn taratady. İs-shara bastalǵaly 125 myńǵa jýyq turǵyn úı aýmaqtaryna tekserý júrgizildi, onyń ishinde 87300 páter jáne 37200 jeke úı bar. Nátıjesinde jedel qyzyǵýshylyq tanytqan 112 adam, sondaı-aq jalǵa beriletin 8 myńǵa jýyq turǵyn úı anyqtaldy.