Almatyda qaraýsyz qalǵan ýchaskelerde jańa demalys oryndary paıda boldy.
Almaty qalasynyń Túrksib aýdanynda Qarasý ózeniniń arnasyn abattandyrý jáne Tashtıtov kóshesinde jańa demalys aımaǵynyń qurylysy aıaqtaldy, dep habarlaıdy aqshamnews.kz.
Buryn bul ýchaske qaraýsyz qalǵan bolatyn, endi «Halyqqa qatysatyn búdjet» baǵdarlamasynyń arqasynda jańa qoǵamdyq keńistik quryldy. Joba boıynsha sý tasqynynyń aldyn alý maqsatynda eńisti nyǵaıtý úshin gabıon konstrýksıalaryn jaılastyrý, turǵyndardyń qaýipsizdigi úshin ózen arnasy boıynda qorshaýlar, kóshe jaryqtandyrý jelileri jáne uzyndyǵy 400 metr serýendeý aımaǵyn ornatý boıynsha keshendi jumystar júrgizildi.
Turǵyndardyń bos ýaqyttaryn jaıly ótkizýleri úshin balalar men sport alańdary, jaıaý júrginshiler aleıasy boıyndaǵy oryndyqtar men ýrnalar jabdyqtaldy, gazondar avtojýý qondyrǵysymen kógaldar sýaryldy.
Taǵy bir bos ýchaske Krasnogoroskaıa kóshesindegi Saǵadat Nurmaǵambetov atyndaǵy Qurlyq áskerleri Áskerı ınstıtýtynyń janynda ornalasqan. Endi munda uzyndyǵy 300 metr bolatyn jańa serýendeý aımaǵy paıda boldy, onda pergolalar, oryndyqtar men ýrnalar ornatylyp, kóshe jaryǵy júrgizildi. Sondaı-aq, aýmaqta keshendi kógaldandyrý júrgizilip, avtomatty sýarý júıesi ornatyldy.
Qurylǵan nysandar «HQB» aıasynda turǵyndar qoldaǵan 52 jobanyń bir bóligi boldy. Bıyl Almaty ákimi Erbolat Dosaevtyń tapsyrmasy boıynsha osy baǵdarlama boıynsha qarjylandyrý 2 mlrd. teńgege deıin ulǵaıtyldy.