Almaty qalasy TJD qyzmetkerleriniń balalar qaýipsizdigi mádenıetin nasıhattaý jáne damytý jónindegi is-sharalarymen 2,5 myń bala qamtyldy, dep habarlaıdy Almaty-akshamy.kz.
«Erekshe balalary» bar áleýmettik qyzmet kórsetý ortalyqtarynda, qamqorlyqqa alynǵan balalar úılerinde jáne megapolıstiń iri oıyn-saýyq saıabaqtarynda, onyń ishinde «Family park», «Tuńǵysh Prezıdent», I.Gandı atyndaǵy park, «Gúlder», «Qutqarýshylar aleıalary» jáne t. b. «qaýipsizdik buryshtarynda» - jas almatylyqtar motosıkl ekıpajdarymen jáne qutqarý tehnıkasymen tanysty, balalar úshin sý aıdyndary, órt pen jer silkinisindegi erejelerdi bilýge arnalǵan sýretter konkýrstary, bı oıyndary men vıktorınalar uıymdastyryldy.
Sonymen qatar, qalanyń barlyq órt sóndirý bólimderinde kishkentaı qonaqtar úshin «Ashyq esik kúnderi» ótkizildi.
Aksıanyń barlyq jas qonaqtary órt sóndirý mashınasynyń fonynda sýretke túsip, kólik júrgizip, órt sóndirýshilerdiń jabdyqtaryn kıip, órt oqpanynan sýmen «atyp» kórdi.
Esterińizge sala keteıik, aǵymdaǵy jyldyń basynan bastap TJD jáne RJQJ órt sóndirýshileri TJ oryndarynan 93 adamdy qutqardy, onyń 23-i balalar .