«Terenkýr» demalys aımaǵynyń toǵanynda qysqy túbıńterge arnalǵan 50 metrlik syrǵanaq salynady. «Snejnaıa slaıd» áleýmettik jobasy jeke qarajat esebinen júzege asady. Bul úshin kúzgi mezgilde toǵannan sý soryldy. Qysqy bitken soń qurylym bólshekteledi, dep habarlaıdy almaty-akshamy.kz
Negizgi aıyrmashylyq syrǵanaqtyń toǵanda salynǵandyqtan, syrǵanaýda shuǵyl burylys tárizdi qaýip joq. Qurylym 20 gradýs buryshta ornatylyp, 5 arnaǵa bólingen, árqaısysy arnaıy tormen qorshalǵan. Sonymen qatar, márede tejegish tor jáne arnaıy jumsaq qaptar bar.
Syrǵanaq tepkennen keıin demalýshylar úrlemeli balondardy dóń basyna ózderi súıretpeıdi, bul úshin arnaıy fýnıkýler bar. Bul rette, kelýshiler qaýipsizdik tehnıkasy boıynsha oqýdan ótken nusqaýshylardyń baqylaýynda bolady.
Buǵan qosa, keshen aýmaǵyndaǵy terrassada qoǵamdyq tamaqtaný oryndary bar demalys aımaǵy uıymdastyrylady.
Ashylýy 15 qańtarǵa josparlanǵan. Balondy bir saǵatqa jalǵa alý 3 myń teńge. Bir ret syrǵanaý – 500 teńge. Jumys kestesi týraly qosymsha habarlanady.