Almatynyń Qala qurylysyn baqylaý basqarmasynyń habarlaýynsha, Jantóbe baý-baqsha seriktestiginde (ých. 51) ornalasqan úsh qabatty qurylysy júrip jatqan nysan buzyp jatyr. Atalǵan nysan topyraq kóshkini qaýpi bar aımaqta ornalasqan, dep habarlaıdy aqshamnews.kz
Buǵan deıin menshik ıesine (jeke tulǵa) ruqsat qujattarynyń bolmaýyna baılanysty ákimshilik sharalar qoldanylyp, jospardan tys tekserý aıasynda zańbuzýshylyqtardy joıý týraly nusqama berilgen.
Keıin basqarma tarapynan bul nusqamany májbúrlep oryndatý, atap aıtqanda nysandy buzý týraly talappen Almaty qalasy Medeý aýdandyq sotyna talap-aryz berildi.
Sot talap-aryzdy qanaǵattandyryp, 2024 jylǵy 26 maýsymda nysandy buzý týraly sheshim shyǵardy.
Qazirgi tańda nysandy súrý jumystary Ádilet departamentiniń sot oryndaýshylarynyń qatysýymen bastaldy.
Esterińizge sala keteıik, Almaty ákimi Erbolat Dosaevtyń qurylysqa baqylaýdy kúsheıtý jónindegi tapsyrmasy aıasynda 2023 jyldyń basynan beri 74 zańsyz nysan, onyń ishinde «Mechta», KHAN turǵyn úı keshenderi jáne basqa da ǵımarattar tolyq nemese jartylaı buzyldy.