Almatyda «sary» aımaq normalary kúshine enip, 1 qarashadan bastap «qyzyl» aımaqtyń karantın shekteýleri alynyp tastaldy. Bul týraly qalalyq Sanıtarlyq-epıdemıologıalyq baqylaý departamenti basshysynyń orynbasary Sádýaqas Baıǵabylov málim etti, dep habarlaıdy almaty-akshamy.kz
Onyń aıtýynsha, Almaty qalasynyń «qyzyl» aımaqtan «sary» aımaqqa ótkenine jeti kún boldy. Osyǵan oraı, karantın shekteýleri jeńildeıdi. Barlyq talap Qazaqstannyń bas memlekettik sanıtarıa dárigeri qaýlysynda kórsetilgen.
Atalǵan qaýlyǵa sáıkes, «Ashyq» jobasyna qatysatyn áleýmettik-ekonomıkalyq obektilerdiń qyzmetin shekteý ólshemsharttaryna sáıkes barlyq obektileriniń jumysyna: jumys kúnderi – «Ashyq» jobasyna qatysýshy barlyq obektiler úshin saǵat 00.00-ge deıin, «Ashyq» jobasynyń kóshbasshylary úshin – saǵat 02.00-ge deıin; demalys kúnderi – saǵat 02.00-ge deıin, qyzmetkerler men kelýshilerde «jasyl mártebe» bolǵan jaǵdaıda (vaksınasıa, synama alǵan kezden bastap 7 táýlikten aspaıtyn teris nátıjesi bar PTR test, turaqty medısınalyq qarsy kórsetilimderi bar, aýyryp jazylǵan adamdar sońǵy 3 aı ishinde) «Ashyq» jobasynyń kóshbasshylary úshin – saǵat 02.00-ge deıin ruqsat etiledi.