Almaty oblysynda ýnıversıtet janynan smart jylyjaı ashyldy
Ol ınovasıalyq koreı tehnologıalaryna negizdelgen. Jylyjaı tolyǵymen avtomattandyrylǵan, ıaǵnı júıe arqyly jeldetkishterdi qosyp, ósimdikterdi sýaryp, topyraqqa qorek zattar qosady, dep habarlaıdy Almaty-akshamy.kz
Qarapaıym jylyjaıdan jylyna 300 tonnaǵa deıin ónim alynsa, bul jerden alynatyn ónim 450 tonnaǵa deıin jetedi. Munda stýdentter, magıstrler, PhD doktorlary teorıalyq bilimderin tájirıbemen ushtastyrady. Jeke sharýa qojalyq ıelerine de arnaıy oqytý jumystary júrgizilmek.
«Búginde Qazaqstanda qazirgi zamanǵy tehnologıalardy paıdalana otyryp jylyjaılar salý qarqyn alýda. Shyndyǵynda agroónerkásiptik keshenge stýdentter, osy tehnologıalardy qoldanýda tikeleı praktıkalyq tájirıbesi bar mamandar qajet. Sondyqtan bul – Qazaqstannyń JOO úshin qajet mamandardy daıarlaýǵa óte jaqsy múmkindik», - QR Aýyl sharýashylyǵy mınıstri Erbol Qarashókeev.
«Jylyjaı – qazaqstandyq ǵylym úshin de, aýyl sharýashylyǵy úshin de úlken múmkindik. Bul jylyjaı arqyly eki eldiń qarym-qatynasy jaqsara túsedi dep oılaımyz. Qazaqstan bolashaqta óz aýylsharýashylyq ónimderin eksporttaı alatyn bolady. Sondaı-aq talantty, jańa tehnologıany meńgergen mamandardy tárbıeleý úshin mol múmkindik beredi», - Koreıa Aýyl sharýashylyǵy saıasaty departamentiniń dırektory Kım Djon Ký.
Inovasıalyq jylyjaı salý osydan eki jyl buryn Qazaqstan-Ońtústik Koreıa bıznes-forýmynda sheshilgen bolatyn. Sol kezde eki memleket basshylary aýyl sharýashylyǵyndaǵy jańa tehnologıalar salasyndaǵy yntymaqtastyq týraly ýaǵdalasqan edi.