Jol qozǵalysyna ózgerister engizilgen.
Almatyda qoǵamdyq kólik jolaqtaryndaǵy jol qozǵalysynda ózgeris engizildi, dep habarlaıdy Almaty-akshamy.kz QazAqparatqa silteme jasap.
"Krıs pı Almaty/Kazpress.kz" telegram arnasynda «Raıymbek batyr dańǵylyndaǵy avtobýs jolaǵynda basqa da avtokólikterge júrýge ruqsat etildi» degen aqparat taraǵan bolatyn. Osyǵan oraı, QazAqparat tilshisi Almaty qalasynyń mobıldilik basqarmasyna resmı saýal joldaǵan edi.
Basqarmanyń jaýabyna sáıkes, Almaty qalasynyń Raıymbek batyr dańǵyly boıynda (Saın kóshesinen Iassaýı kóshesi aralyǵy) qoǵamdyq kólik jolaqtaryndaǵy jol qozǵalysyna ózgerister engizilgen.
«Bul 5.9 «Marshrýttyq kólik quraldaryna arnalǵan jolaq» jol belgisine qosymsha 7.5.6 «Qoldanylý ýaqyty» (7:30-9:30 jáne 17:00-20:00) aqparat belgisin (taqtaısha) ornatý arqyly jáne foto-beınetirkeý kameralaryn qaıta baptaý arqyly iske asty. Aıta keteıik, bul ózgeris QR Prezıdentiniń 2021 jyldyń sáýir aıyndaǵy «qalalar ishinde avtokólik aǵynyn tıimdi qurý jóninde sharalar qabyldaý týraly» tapsyrmasy men demalys kúnderi jáne «pık saǵatynan tys» arnaıy bólingen avtobýs jolaqtaryn paıdalaný máselesin sheshý aıasynda oryndaldy», - delinedi basqarma habarlamasynda.
Sondaı-aq, basqarmadan bul joba pılottyq rejımde alǵash ret jasalyp turǵanyn habarlady.