Bul dertke shaldyqqandardyń 66,9 paıyzy balalar.
Ótken aptada Almatyda jiti respıratorlyq vırýsty ınfeksıanyń 3099 jaǵdaıy tirkeldi, bul naýryz aıynyń sońymen salystyrǵanda 3,76 paıyzǵa tómen, dep habarlaıdy Almaty-akshamy.kz QazAqparatqa silteme jasap.
Qalalyq sanıtarlyq-epıdemıologıalyq baqylaý departamentiniń aqparatyna qaraǵanda, jiti respıratorlyq vırýsty ınfeksıany juqtyrǵandardyń 66,9 paıyzy balalar. Aýrýhanaǵa barlyǵy 286 naýqas jatqyzyldy, onyń ishinde 11-i júkti áıel, 89-y bir jasqa deıingi náreste.
«Aǵymdaǵy epıdemıologıalyq maýsym bastalǵaly tumaýdyń 51 jaǵdaıy tirkeldi. Sonymen qatar, qalada respıratorlyq sınsıtıaldy vırýs, adenovırýs, rınovırýs jáne koronavırýs sıaqty tumaýǵa jatpaıtyn basqa JRVI vırýstary aınalymda», - dep habarlady vedomstvodan.
2021 jyly jergilikti ákimshiliktiń qarajatyna erekshe toptaǵy adamdardy tumaýǵa qarsy egýge 170 926 doza «Grıppol plús» vaksınasy satyp alyndy.
Eske salaıyq, qalada ekpe salý maýsymy 15 qyrkúıekte bastaldy. Tumaýǵa qarsy vaksınany 184 myńnan astam adam aldy. Onyń ishinde jekemenshik medısınalyq ortalyqtarda jumys berýshiler esebinen 10 260 adam, óz qarajaty esebinen 2 973 adam egildi.