Bul suraqtyń jaýabyn Jasyl ekonomıka basqarmasynyń basshysy Natalá Lıvınskaıa berdi.
«Almaty» telearnasyndaǵy Akimat LIVE baǵdarlamasyna qatysqan Natalá Lıvınskaıa Almatynyń qaı aýdanyna kóbirek aǵash egiletinin aıtty, dep habarlaıdy Almaty-akshamy.kz.
«Biz Túrksib, Jetisý, Alataý jáne ishinara Naýryzbaı aýdandaryna baramyz. Nelikten dál sol jerlerge? Munyń belgili sebepteri bar. Mysaly, Túrksib jáne Jetisý aýdandarynda apatty jasyl qor bar. Biz sol jerde jasyl qordy jańartyp, qoldaýǵa mindettimiz. Sonyń ishinde Alataý – qosylǵan aýdan. Onda taqyr jerler jetkilikti, bul oraıda qalalyq atmosfera jasaý úshin ony aǵash egýden bastaımyz. Bul Naýryzbaı aýdanyna da qatysty», – dedi Natalá Lıvınskaıa qala turǵyndarynyń suraqtaryna jaýap bere kelip.
«Bizdiń osy josparlarymyz qalanyń ortalyq aýdandaryna esh áser etpeıdi. Biz bul jerge jańadan otyrǵyzylatyn kóshetter men eski aǵashtarǵa zıan tıgizbeý úshin jasyl jelekterdi otyrǵyzýdy tolyqtyryp, olardy jańadan egetin bolamyz» – dedi Jasyl ekonomıka basqarmasynyń basshysy.