Eń alǵash operasıa «Stenokardıa» dıagnozy bar 81 jastaǵy pasıentke júrgizildi.
Ortalyq qalalyq klınıkalyq aýrýhanada ıntervensıalyq kardıologıa bólimshesiniń ashylý rásimi ótip, onyń qyzmetine tájdik arterıa tamyryn tentteý jáne koronografıa júrgizý, sońynan júrekke basqa da ıntervensıalyq aralasýlardy engizý bolyp tabylady, dep habarlaıdy Almaty-akshamy.kz.
Eń alǵash operasıa «Stenokardıa» dıagnozy bar 81 jastaǵy pasıentke jasaldy. Jańa bólimsheniń meńgerýshisi, ıntervensıaly kardıolog Erjan Quttyǵojınniń aıtýynsha, stenokardıa júrektiń ıshemıalyq aýrýynyń biri bolyp sanalady jáne ol júrek kúretamyrynyń aterosklerozy nemese spazma fonyndaǵy júrek bulshyqetiniń qanmen qamtamasyz etilýiniń buzylýynan bolady.
«Osyndaı bólimsheniń ashylýymen biz endi josparly ıntervenısályq kardıologıalyq medısınalyq kómek kórsete alamyz, ıaǵnı, tegin túrde júrek tamyryn emdeý úshin TMKKK jáne MÁMS tarapynda shaǵynınvazıvti hırýrgıalyq aralasa alamyz. Tájdi kúretamyryn stentteý jáne koronarografıa júrgizý pasıenttiń esi qalpynda aıaǵy nemese qolyndaǵy tamyryn tesý, rentgenmen barlyq beıneni koronarlyq ańǵardy jalpy kórýmen júrek tamyrlaryna kateter jáne kontrast qoıý arqyly júrgiziledi. Operasıa esh qıyndyqsyz sátti ótti, qazirgi kezde pasıent stasıonarda jatyr, onda turaqty terapıa alyp otyrady. Aldaǵy ýaqytta bólimshede arıtmologıalyq ıntervensıaly aralasý operasıasy júrgiziletin bolady», - dedi kardıolog.
Sondaı-aq, maman stenokardıa ustamasy shuǵyl terapıany qajet etedi, sebebi eger ustama uzaqqa sozylyp ketse, arty naýqastyń ómirine qaýip tóndiretin kúrdeli aýrýshańdyq - mıokard ınfarktine aparady.
«Bastapqy aýrý paıda bolǵan kezde der kezinde mamanǵa júginý kerek. Sol sıaqty profılaktıkalyq maqsatta keńes alý úshin kardıologqa barýy tıis», - delingen Ortalyq qalalyq klınıkalyq aýrýhananyń baspasóz qyzmetiniń habarlamasynda.
