Almatyda kóptegen turǵynnyń súıikti ornyna aınalǵan QR Ortalyq memlekettik mýzeıiniń janyndaǵy Jýrnalıser skverin rekonstrýksıalaý aıaqtaldy.
Skver aýmaǵy 1,3 ga, deni jasyl jelektermen jáne gúlzarlarmen kómkerilgen. Saıabaq aımaǵynyń ortalyǵyndaǵy áıgili kompozıtor Nurǵısa Tilendıevtiń eskertkishiniń aınalasynda jan-jaqqa bastaıtyn 9 soqpaq jol bar, dep habarlaıdy Almaty-akshamy.kz.
1997 jyly salynǵan skver jańartýdy qajet etken, sebebi buǵan deıin jóndeý jumystary júrgizilmegen. Soqpaq joldardyń jabyny buzylǵan edi. Eskertkishtiń aınalasyndaǵy aýmaqtyń da jabynyn aýystyrý qajet bolatyn. Oryndyqtar men qoqys jáshikteri jaramsyz bolyp, aýmaqty kógaldandyrýdy jańartý qajettigi týyndaǵan.
Rekonstrýksıa aıasynda kespe tas tóseý, jıektastardy montajdaý jumystary júrgizildi, 12 jańa oryndyq pen 14 qoqys jáshigi ornatyldy, 3,8 myń buta men 10 týıa aǵashy otyrǵyzyldy. Sonymen qatar, Meńdiqulov kóshesine qaraı qosymsha jaıaý júrginshiler joly quryldy.
Búginde bul jaıaý serýendeýge, kókke shyǵýǵa jáne balalarmen demalýǵa yńǵaıly jańartylǵan skver.
