Almaty ákimi Erbolat Dosaev Naýryzbaı aýdany turǵyndarymen kezdesýde 2024 jylǵy aýdannyń áleýmettik-ekonomıkalyq damý qorytyndysy onyń ekonomıkasynyń oń dınamıka kórsetkenin atap ótti, dep habarlaıdy aqshamnews.kz
Qala basshysynyń aıtýynsha, 2024 jyly Naýryzbaı aýdany Almatydaǵy barlyq aýdan ishinde óńdeý ónerkásibiniń eń joǵary ósimin – 28,3% kórsetti. Qurylys jumystarynyń kólemi 6% ósip, 90 mlrd teńgege jetti. Negizgi kapıtalǵa salynǵan ınvestısıa 172,7 mlrd teńge bolyp, ótken jylmen salystyrǵanda 17,8% artty.
Aýdanda shaǵyn jáne orta bıznes te qarqyndy damyp keledi: 25 myń belsendi SHOB sýbektisi salyq túsiminiń 46% ósýin jáne 5,4 myń jańa jumys ornynyń qurylýyn qamtamasyz etti. Aýdan búdjeti de aıtarlyqtaı ulǵaıyp, 2024 jyly 60% ósip, 22,6 mlrd teńge boldy. 2025 jyly ol taǵy 5% artyp, 23,4 mlrd teńgege jetti.
Erbolat Dosaev 2025 jyly jumystyń negizgi baǵyty ınjenerlik ınfraqurylymdy odan ári jańǵyrtýǵa, áleýmettik nysandar salýǵa, kólik qoljetimdiligin jaqsartýǵa jáne qoǵamdyq keńistikterdi qurýǵa baǵyttalatynyn atap ótti.