Naýryzbaı aýdanynyń turǵyndarymen kezdesý barysynda Almaty ákimi Erbolat Dosaev jol jáne kólik ınfraqurylymyn damytý jumystary týraly aıtyp berdi, dep habarlaıdy aqshamnews.kz
Qala basshysy 2024 jyly 21 kóshede 14,5 shaqyrym jolǵa ortasha jóndeý júrgizilgenin, al aǵymdaǵy jyly 35 kóshede taǵy 47 shaqyrym joldy qamtý josparlanǵanyn aıtty.
Kóshe-jol jelisiniń sapasyn arttyrý úshin 2024 jyly aýdanda 50 myń sharshy metr jol jabyny qalpyna keltirilip, 1,7 km aryq jelileri salyndy. Bıyl taǵy 45 myń sharshy metr jol tósemin jóndeý, 8,8 shaqyrym trotýarlardy jabdyqtaý jáne 4 kóshede 5 shaqyrymǵa jýyq aryq jelilerin salý josparlanýda.
Sonymen qatar, 2024 jyly Aqjar sh/a-da 6 km jańa jol salyndy. 2025 jyldyń mamyr aıynda Aqjar jáne Shuǵyla shaǵyn aýdandarynda taǵy 20 km jańa jol qurylysy bastalady, onda ótken jyly ınjenerlik jelilerdi salý jumystary aıaqtaldy.
«Aýdanda magıstraldyq kóshelerdi uzartý jumystary belsendi júrgizilýde. Abaı dańǵylyn Stroıtelnaıa kóshesinen Altyn Orda kóshesine deıin uzartý jalǵasýda, jobanyń tolyq aıaqtalýy mamyr aıynyń sońyna kútilýde. Tóle bı kóshesin uzartý boıynsha 270 jer ýchaskesinen 211 jer satyp alyndy, jobany aǵymdaǵy jyldyń sońyna deıin aıaqtaý josparlanýda. Jubanov kóshesine keletin bolsaq, 346 ýchaskeniń 75 - i satyp alyndy, kósheni uzartý aıasynda jol qurylysyn 2026 jyldyń qarasha aıynda aıaqtaý josparlanýda», - dep atap ótti Erbolat Dosaev.
Kezdesý barysynda Almaty ákimi aýdanda qoǵamdyq kólik qyzmetteriniń sapasyn arttyrý boıynsha júrgizilip jatqan jumystar týraly da habardar etti. 2024 jyly jyljymaly quram 577-den 794 avtobýsqa deıin ulǵaıtyldy, bul 10 jańa marshrýtty uıymdastyrýǵa, 20 qoldanystaǵy marshrýtty jańartýǵa jáne kúsheıtýge múmkindik berdi. Jańa qurylys oryndarynda jáne aıaldamasyz ýchaskelerde 17 jańa aıaldama kesheni ornatyldy.