Almatynyń Naýryzbaı aýdanyndaǵy 5 shaǵyn aýdanynda elektr jelilerin kezeń kezeńimen modernızasıalaý júrgizilýde
Naýryzbaı aýdanynda Qaraǵaıly, Quramys, Taýsamaly, Aqjar jáne Taýjoly shaǵyn aýdandarynyń turǵyndaryn turaqty energıamen jabdyqtaýdy qamtamasyz etýge baǵyttalǵan elektr jelilerin qaıta qurý jobasy belsendi iske asyrylýda. Bul týraly Almaty qalasynyń energetıka jáne sýmen jabdyqtaý basqarmasynan habarlady.
Bul jumystar qalalyq energetıka jáne sýmen jabdyqtaý basqarmasynyń tapsyrysy boıynsha «Naýryzbaı aýdanynyń ıesiz qoldanystaǵy elektr jelileri men jabdyqtaryn rekonstrýksıalaý» jobasy aıasynda júrgizilýde.
Joba aıasynda 1200-den astam elektrmen jabdyqtaý tirekterin aýystyrý, uzyndyǵy 11,5 km kabeldik jelilerdi jańartý, 234 km áýe jelilerin tartý, sondaı-aq 28 jańa transformatorlyq qosalqy stansıalardy ornatý júrgizilýde.
Búgingi tańda aıtarlyqtaı jumys kólemi oryndaldy: 854 tirek ornatyldy, 11,2 km kabel jelileri jáne 20,6 km áýe jelileri salyndy.
«Jumys erekshe baqylaýda jalǵasýda. Negizgi mindet – jobanyń aıaqtalýyn jedeldetý, osylaısha aımaq turǵyndary múmkindiginshe tezirek sapaly jáne senimdi elektrmen jabdyqtaýǵa qoljetkize alady. Budan basqa, halyqtyń ósip kele jatqan qajettilikterin eskere otyryp, elektr jelilerin odan ári jańǵyrtý josparlanýda», – dep atap ótti Almaty qalasynyń energetıka jáne sýmen jabdyqtaý basqarmasy.