Buǵan deıin habarlanǵandaı, Almaty qalasynyń Ortalyq qalalyq klınıkalyq aýrýhanasynda (OQKB) AITV juqtyrý jaǵdaıy boıynsha komısıa jumysynyń qorytyndysy shyǵaryldy, dep habarlaıdy almaty-akshamy.kz
Epıdemıologıalyq ahýaldyń josparly monıtorıńi barysynda Almaty qalasynyń JITS ortalyǵy osy aýrýhanada emdelgen AITV-nyń oń nátıjesi bar 3 pasıentti anyqtady. Bul jaǵdaılar ýaqtyly anyqtaldy jáne ınfeksıanyń odan ári taralýyna jol berilmedi, bul AITV-ınfeksıasyn epıdemıologıalyq qadaǵalaýdyń rettelgen jáne jumys isteıtin júıesin kórsetedi.
"OQKA-daǵy jaǵdaı kórsetkendeı, bul pasıentterdi ýaqtyly testileý jáne reglamentterdi saqtaý osy jaǵdaıdy oqshaýlaý boıynsha is-sharalar keshenin júrgizýge múmkindik berdi. Taǵy da qaıtalaımyn jáne Sizderdiń nazarlaryńyzǵa qalanyń medısınalyq mekemelerindegi ınfeksıalyq qaýipsizdik turaqty baqylaýda jáne qala turǵyndaryna medısınalyq kómek kórsetý kezinde júıeli qaýip-qater joq ekenine nazar aýdaramyn", - dep atap ótti Almaty qalasy Qoǵamdyq densaýlyq saqtaý basqarmasynyń basshysy Shametekov Iran Maratuly.
Medısınalyq uıymdarda pasıentterdiń barlyq sanattary boıynsha zańnamada belgilengen sanıtarıalyq-epıdemıologıalyq qaýipsizdikke qoıylatyn talaptarǵa sáıkestigine ishki óndiristik baqylaý da, SEBD tarapynan josparly syrtqy baqylaý da júzege asyrylady.
Sonymen qatar, qoǵamdyq densaýlyq saqtaý basqarmasy sanıtarıalyq-epıdemıologıalyq baqylaý departamenti, Almaty qalasy boıynsha Medısınalyq jáne farmasevtıkalyq qyzmet sapasyn baqylaý komıteti departamenti, JITS ortalyǵy, qalalyq qan ortalyǵy mamandarynyń qatysýymen sanıtarıalyq-epıdemıologıalyq rejımdi saqtaý jáne ınfeksıalyq baqylaý júrgizý bóliginde qalanyń barlyq stasıonarlaryna keshendi tekserý júrgizdi. Qala turǵyndaryna medısınalyq kómek kórsetý kezinde juqtyrý qaýpi jáne júıeli qaýipter joq.
Jalpy, 2023 jyldyń birinshi jartyjyldyǵynda qala stasıonarlarynda 147736 adam medısınalyq kómek aldy, onyń ishinde 14650 pasıent reanımasıalyq bólimshelerge tústi jáne medısınalyq kómek kórsetý kezinde ınfeksıalarmen juqtyrý presedentteriniń bolmaýy basty basymdyq halyqqa sapaly medısınalyq qyzmetter kórsetýde qaýipsizdik bolyp tabylatyn jáne bolyp qalatyn júıeni kórsetedi.
OQKA jaǵdaıynda medısınalyq kómek kórsetý algorıtmi saqtaldy, júıeli buzýshylyqtar bolǵan joq. Pasıentterdiń juqtyrý faktisi adamı faktormen, atap aıtqanda, orta medısınalyq personaldyń jekelegen qyzmetkerleriniń sanıtarıalyq–epıdemıologıalyq normalardy buzýymen baılanysty.
Qalyptasqan jaǵdaıdy eskere otyryp, komısıa qorytyndylary negizinde Basqarma sheshim qabyldady:
- QR Eńbek kodeksiniń 48 - baby 2-tarmaǵynyń 6) tarmaqshasy negizinde qalalyq aýrýhananyń bas dárigeri N. B. Tabynbaev jumystan shettetildi;
- QR Eńbek kodeksiniń 52-baby 1-tarmaǵynyń 16) tarmaqshasynyń negizinde epıdemıologıa boıynsha bas dáriger orynbasary, reanımasıa meńgerýshisi, stasıonardyń bas medbıkesi jáne reanımasıa bólimshesiniń aǵa medbıkesi teris sebepterimen jumystan shyǵaryldy.
Komısıa jumysynyń qorytyndysy bar anyqtama materıaldary is júrgizý sheshimin qabyldaý jáne árbir jaýapty tulǵanyń jaýapkershilik sharasyn odan ári aıqyndaý úshin qalalyq Polısıa departamentine jiberildi.