Medeý aýdanynda eki mektep kúrdeli jóndeýden keı̆in kelesi oqý jylynda ashylady
Almaty ákimi Erbolat Dosaev Medeý aýdany turǵyndarmen kezdesý kezinde bilim berý ınfraqurylymyn jaqsartý boı̆ynsha qabyldanyp jatqan sharalar týraly aı̆tty, dep habarlaıdy aqshamnews.kz
Atap aı̆tqanda, «Jaı̆ly mektep» ulttyq jobasy aıasynda qalanyń ońtústik bóliginde, Qulja tas jolynyń janynda 2 000 oryndyq jańa mekteptiń qurylysy bastaldy.
Qurylysty aıaqtaý 2024 jyldyń tamyz aı̆yna josparlanǵan. Osy kezeńde №161 jáne №33 mektepterinde kúrdeli jóndeý jáne seı̆smıkalyq kúsheı̆tý jumystary da aıaqtalady.
Sonymen qatar, qoldanystaǵy bilim berý mekemelerin keńeı̆tý maqsatynda úsh mektepke qosymsha ǵımarattar salynýda: №35 mektepke 300 oryndyq ǵımarat (2025 jyldyń maýsymynda aıaqtalady), №99 mektepke 250 oryndyq ǵımarat (2025 jyldyń qarashasynda aıaqtalady). Sondaı̆-aq, NZM 320 oryndyq qosymsha ǵımarat salyp jatyr, ol 2025 jyldyń tamyz aı̆ynda paı̆dalanýǵa beriledi.
Bıyl mamyrda №131 mektepke 300 oryndyq qosymsha ǵımarattyń qurylysy bastalyp, kelesi jyldyń shildesinde aıaqtalady. Al qyrkúı̆ekte «Dýman» shaǵyn aýdanynda 1 200 oryndyq jeke mekteptiń qurylysy bastalyp, ony 2026 jyldyń tamyzynda aıaqtaý josparlanǵan.
Mektepke deı̆ingi mekemeler jelisin keńeı̆tý boı̆ynsha da belsendi jumystar júrgizilýde. 2024 jyly Almatyda 720 oryndyq 14 jeke balabaqsha ashyldy, al 2025 jyldyń sońyna deı̆in taǵy 500 orynǵa arnalǵan 10 balabaqsha ashý josparlanyp otyr. 2025 jyldyń aqpanynda «Dýman-2» shaǵyn aýdanynda 320 oryndyq jeke balabaqshanyń qurylysy bastalyp, 2026 jyldyń aqpanynda ashylady. 2025 jyldyń sáýirinde №195 balabaqshanyń kúrdeli jóndeýi men seı̆smıkalyq kúsheı̆tý jumystary aıaqtalady.
Áleýmettik jaýapkershilik aıasynda «BI Group» qurylys kompanıasy 2025 jyldyń tamyz aı̆ynda jetim balalarǵa arnalǵan jańa «Januıa» mamandandyrylǵan kesheniniń qurylysyn aıaqtaı̆dy. Joba aıasynda eski ǵımarat súrilip, jańasy salynady. Jobanyń jalpy quny – 5,9 mlrd teńge.