Almatynyń Medeý aýdanynda qoǵamdyq keńistikterdi damytý boı̆ynsha júı̆eli jumys jalǵasýda. Bul týraly qala ákimi Erbolat Dosaev halyqpen kezdesý barysynda málimdedi, dep habarlaıdy aqshamnews.kz
Almaty ákiminiń aı̆týynsha, aýdan turǵyndarynyń demalysy men tynyǵýyna qolaı̆ly jaǵdaı̆ jasaý úshin 2025 jyldyń sáýir aı̆ynda "Tereńqur» aýmaǵynyń 3,4 gektaryn jańǵyrtý jobasy aıaqtalady. Joba toǵandy abattandyrýdy, rekreasıalyq aı̆maqtardy, balalar men sport alańdaryn qurýdy qamtıdy.
«2025 jyldyń mamyr aı̆ynda Qurmanǵazy kóshesinen ál-Farabı dańǵylyna deı̆in Dostyq dańǵylynyń «qasbetten qasbetke deı̆in» jáne Raı̆ymbek batyr dańǵylynan Gogol kóshesine deı̆in Pýshkın kóshesin keshendi abattandyrý boı̆ynsha aýqymdy jumystarǵa kirisemiz», - dedi ákim.
Osy jobalar aıasynda jol jabyny jańartylady, velojoldar, sporttyq jáne serýendeý aı̆maqtary jabdyqtalady, sondaı̆-aq aýmaqty keshendi kógaldandyrý júrgiziledi. Qurylys-montaj jumystaryn aıaqtaý merzimi aǵymdaǵy jyldyń sońyna josparlanǵan.
Aı̆ta keteı̆ik, 2024 jyly «Halyq qatysatyn búdjet» baǵdarlamasy aıasynda 2 mlrd teńge bólindi, bul 34 jobany júzege asyrýǵa múmkindik berdi. Olardyń ishinde 20 aýla aýmaǵyn, 7 qoǵamdyq keńistikti abattandyrý jáne 7 ýchaskede avtosýarý júı̆elerin ornatý bar.
2025 jyly HQB aıasynda taǵy 34 jobany iske asyrýǵa 2 mlrd teńge bólindi. Osy jyldyń sáýir-qyrkúı̆ek aı̆lary aralyǵynda 17 aýla aýmaǵyn, 13 qoǵamdyq keńistikti abattandyrý jáne 4 ýchaskede avtosýarý júı̆elerin montajdaý josparlanǵan.
2024 jyly turǵyndardyń belsendi demalysy úshin qolaı̆ly qalalyq orta men jaǵdaı̆ jasaý úshin 60 aýla aýmaǵyn kúrdeli jóndeýge jobalyq-smetalyq qujattama ázirlendi. Jóndeý jumystary 2025 jyldyń sáýirinde bastalady. Joba aıasynda zamanaýı vorkaýt-aı̆maqtar, balalar jáne sport alańdaryn salý kózdelgen. Bul maqsattarǵa 2,8 mlrd teńge bólindi. Jumystardy aıaqtaý aǵymdaǵy jyldyń qazan aı̆yna josparlanǵan