Medeý aýdanynyń turǵyndarymen kezdesý barysynda Almaty ákimi Erbolat Dosaev turǵyndardy sapaly ınjenerlik ınfraqurylymmen keshendi qamtamasyz etýdiń nátıjeleri men josparlardy atap ótti, dep habarlaıdy aqshamnews.kz.
Onyń aı̆týynsha, iri ınfraqurylymdyq jobalardy iske asyrý aıasynda buryn-sońdy sý men káriz bolmaǵan shalǵaı̆daǵy shaǵyn aýdandar qamtylǵan. Máselen, osy jyldyń naýryz aı̆ynda «Kamenskoe plato» sh/a batys bóligindegi 7 myń turǵyny úshin 50 shaqyrym sýmen jabdyqtaý jáne sý burý jelileriniń qurylysy bastalady. Jumystardy aıaqtaý 2026 jyldyń qyrkúı̆eginde josparlanýda.
«2025 jyly Muztaý, Sulýsaı̆, Atyraý, Alataý, Kishi Stanısa jáne Taýly qyrat shaǵyn aýdandarynda taǵy 100 shaqyrym sý qubyry jáne káriz jelileriniń qurylysy aıaqtalady», - dep atap ótti qala ákimi.
2024 jyldyń qorytyndysy boı̆ynsha aýdanda 6 skvajına salyndy, qýattylyǵy táýligine 37,7 myń m3 sý bolatyn 12 sorǵy ornatyldy, kólemi 7,3 myń m3 7 rezervýar turǵyzyldy jáne Kamenskoe plato, Kólsaı̆, Muztaý jáne Iýbıleı̆nyı̆ shaǵyn aýdandarynda 6 shaqyrym magıstraldyq jeli salyndy. Sonymen qatar, Keńsaı̆, Kompot, Dýman jáne Kólsaı̆ shaǵyn aýdandarynda 61 shaqyrym jeli salyndy.
Mańyzdy jobalardyń biri 2024 jyldyń shildesinde sýmen jabdyqtaýdyń rezervtik júı̆esin iske qosý boldy. Búginde ol Samal, Kók-Tóbe jáne Taýly qyrat shaǵyn aýdandarynyń 50 myń turǵyny úshin Talǵar jer asty sýlarynyń ken oryndarynan táýligine 32 myń tekshe metr sý berýdi qamtamasyz etedi.
Jalpy Almatyda qala ákimi Erbolat Dosaevtyń tapsyrmasy boı̆ynsha 2025 jyly 260 shaqyrym jańa qurylys salý jáne 87 shaqyrym qoldanystaǵy sýmen jabdyqtaý jáne sý burý jelilerin jańǵyrtý josparlanǵan.