Almatynyń komýnaldyq qyzmeti kúsheıtilgen rejımde jumys isteıdi, dep habarlaıdy Almaty-akshamy.kz
Almaty qalasynda 10-nan bastap jaýǵan jańbyr tańǵa deıin jaýady dep boljanyp otyr.
Sýdyń kedergisiz aǵýyn qamtamasyz etý, yqtımal sý basýdyń aldyn alý jáne joıý maqsatynda 46 patrúldik brıgada, 165 birlik arnaıy tehnıka, 26 motopompa jáne 684 jumysshysy jumyldyryldy. Sý basýy múmkin oryndardy qorshaý úshin shamamen 2 myń qap qum daıyndaldy.
Tótenshe jaǵdaılar jónindegi jedel kezekshiniń aqparaty boıynsha sý tasqyny tirkelgen joq.
Túngi ýaqytta 114 birlik arnaıy tehnıka, 23 motopompa jáne 115 adam jumys isteýge shyǵady dep josparlanǵan.
Aýdan ákimdikterinde táýlik boıy kezekshilik uıymdastyryldy.
"Qazgıdromet" RMK boljaýynsha, Almaty qalasynda túnde tuman túsip, 1-2 mm-ge deıin jaýyn-shashyn bolýy múmkin. Jeldiń ekpini 2-7 m/s. Túnde aýa temperatýrasy +4...+6 gradýs, erteń kúndiz jaýyn-shashynsyz +14...+16.
*Almaty qalasynyń komýnaldyq ınfraqurylymdy damytý basqarmasy*