Qalalyq mobıldilik basqarmasynda Almatydaǵy qoǵamdyq kóliktiń tartymdylyǵyn qalaı arttyrý kerektigi aıtyldy, dep habarlaıdy almaty-akshamy.kz
Almatyda kólik sany tym kóbeıip ketti. Búginde qala turǵyndarynyń shamamen 65%-y jeke kólikpen júredi. Salystyrsaq, Máskeýde 30%, Parıjde nebári 11%. Eki jyl ishinde qalada tirkelgen avtokólik sany 24% ósti, 2030 jylǵa qaraı bul ósim keminde 40% bolady.
Uzyn-sonar kólik keptelisi men sonyń saldarynan aýanyń shamadan tys lastaný máselesin sheshý úshin qalalyq mobıldilik basqarmasy 2030 jylǵa deıin kólik qurylymynyń sheber jospary jobany júzege asyrýǵa kiristi.
Almatynyń 2030 jylǵa deıingi damý baǵdarlamasyna sáıkes, megapolıs polısentrıstik, qaýipsiz, adamdar úshin «jasyl qala» bolýǵa tıis. Bul rette, qoǵamdyq kóliktiń (QK) qoljetimdiligin arttyrý jáne halyqty 100% qoljetimdi qoǵamdyq kólikpen qamtamasyz etetin ınfraqurylym qurý mańyzdy ról atqarady. Qoǵamdyq kóliktegi sapar sany 64% artady, al jeke avtokólikterdiń úlesi azaıady, sonyń nátıjesinde turǵyndar jolǵa qazirgiden qaraǵanda úsh ese az ýaqyt jumsaıdy.
«Buǵan jetý úshin adamdar jeke kólikten qoǵamdyq kólikke aýysqysy keletindeı jaǵdaı jasaý kerek. Ázirge, buǵan biraz kedergi bar. Qalalyq mobıldilik basqarmasynyń tapsyrysymen júrgizilgen saýalnama barysynda almatylyqtardyń 42%-y qoǵamdyq kóliktiń shamadan tys júktelýine, 41%-y uzaq kútýge jáne saǵat 22:00-den keıin marshrýttardyń bolmaýyna shaǵym túsirgen. Respondentter júrgizýshilerdiń kólik júrgizýi men minez-qulqyna qanaǵattanbaǵanyn, kesteniń saqtalmaıtynyn jáne aýysyp minýge týra keletin ataǵan. Bul jaǵdaıdy sheshý úshin ákimdik qalanyń kólik qurylymynyń sheber josparyn bekitti. 2030 jylǵa qaraı qalada jalpy uzyndyǵy 296 km bolatyn qoǵamdyq kólikke arnalǵan 42 júrdek dáliz qurylady dep josparlanǵan. Júrdek avtobýstardyń, troleıbýstardyń, jeńil relsti kólikterdiń jáne metro beketteriniń jańa baǵyttary turǵylyqty aýdandardyń 75%-yn jáne jumys oryndarynyń 81% -yn qamtýǵa múmkindik beredi», - dep atap ótti basqarma basshysy Saǵyndyq Telibaev.
Gazben júretin avtobýstar men elektrli avtobýstardy jolaýshylar tasymalyna shyǵarý, jańa aıaldamalar salý jáne ásirese, «qarbalas sátte» jol júrý aralyǵyn qysqartý kózdelgen.
Sheber josparǵa sáıkes, qalaǵa kireberiste avtoturaqtar paıda bolady – bul úshin batys, soltústik jáne shyǵys baǵytta úsh jańa kólik-transplantasıalaý toraby salynady. Qoǵamdyq kóliktiń qoljetimdiligin arttyrý úshin qalada turǵyn úılerden aıaldamalarǵa deıingi jaıaý júrginshiler men velojoldar jabdyqtalady.
Almatynyń kólik qurylymynyń sheber jospary engizilip jatyr: onyń pılottyq alańy Raıymbek dańǵylyndaǵy aýmaq bolmaq, onda avtobýstarǵa arnalǵan úzdiksiz bólingen jolaqtar paıda bolyp, tolyqqandy jaıaý júrginshiler jáne velo ınfraqurylym qurylady. Eń problemaly jerlerde kameralar ornatylady. Sonyń nátıjesinde búginde únemi keptelis bolatyn dańǵyl zamanaýı júrdek magıstralǵa aınalýy kerek.
Almatynyń kólik qurylymyn salý nátıjesinde aýysyp minýge, aıaldamalarǵa barýǵa, qoǵamdyq kólikti kútý men jolǵa ketetin ýaqyt qysqarýǵa tıis.