Kólik qańqasynyń modeli qaladaǵy eń tartymdy jáne tartymdylyǵy az aımaqtardy taldaý, sondaı-aq jumys oryndarynyń shoǵyrlanýy negizinde qalyptasady, dep habarlady ázirleýshiler qalalyq máslıhat depýtattary men sarapshylar qoǵamdastyǵy aldyndaǵy jospardyń tusaýkeserinde.
Júrgizilgen taldaýǵa sáıkes, Almatyda jumys oryndarynyń 70% shoǵyrlanǵan aǵyndardy tartýdyń 3 aımaǵyn bólýge bolady. Zertteý úshin qyzmet túrleriniń sanattarymen (mysaly, saýda nysany – «kóterme jáne bólshek saýda» qyzmet túri) jáne syıymdylyǵymen, ıaǵnı jumys oryndarynyń sanymen baılanysty turǵyn emes nysandardyń kartasy paıdalanyldy.
Buǵan qosa, qańqanyń nusqasyn tańdaý kezinde basqa da tartý núkteleri eskeriledi: iri saýda ortalyqtary men bazarlar, kólik habtary, tabıǵı, mádenı, sporttyq jáne bilim berý nysandary.
Sheber-jospardy «Almatybasjospar» jáne keshendi kólik jobalaryn iske asyrý salasyndaǵy sarapshylar ázirlegen.