Memleketaralyq izdeýde júrgen sheteldik azamat qolǵa tústi.
“Zańsyz kelýshi – 2023” jedel-profılaktıkalyq is-sharasynyń úsh kúninde kólik polıseıleri 73 azamatty ákimshilik jaýapkershilikke tartty, onyń ishinde 58 sheteldik Qazaqstanda bolý qaǵıdalaryn buzǵany úshin, onyń 54-i TMD azamattary bolsa, alys shet elderden kelgender sany – 4, dep habarlaıdy Almaty-akshamy.kz.
Bul týraly kóliktegi polısıa departamenti bastyǵynyń birinshi orynbasary Madıar Aıtýǵanov habarlady. Onyń aıtýynsha, sot sheshimi boıynsha 5 sheteldik elden tysqary shyǵaryldy.
«Sondaı-aq osy is-shara barysynda Stambul – Almaty baǵytyndaǵy áýereısi ushyp kelgennen keıin Almaty qalasy áýejaıyndaǵy jelilik polısıa bóliminiń qyzmetkerleri QR UQK SHQ-men birlesip Reseı Federasıasynyń Qylmystyq kodeksiniń 158-baby boıynsha memleketaralyq izdeýde júrgen 33 jastaǵy Reseı Federasıasynyń azamatyn anyqtap, ustady», – dedi Madıar Aıtýǵanov.
Esterińizge sala keteıik, 19-25 maýsym aralyǵynda Qazaqstan Respýblıkasynda zańsyz júrgen adamdardy anyqtaý jáne departamenttiń qyzmet kórsetý aýmaǵynda zańsyz kóshi-qon arnalarynyń jolyn kesý maqsatynda “Zańsyz kelýshi – 2023” jedel-profılaktıkalyq is-sharasy ótip jatyr.