Sertıfıkat - taýardyń shyqqan eli Qazaqstan Respýblıkasy ekenin kýálandyratyn qujat.
Almaty qalasy Kásipkerler palatasynyń dırektory Aıtýar Qoshmambetov Óńirlik komýnıkasıalar qyzmetiniń alańynda ishki aınalymǵa jáne eksportqa arnalǵan taýardyń shyǵý tegi týraly sertıfıkattardy, sondaı-aq ındýstrıalyq sertıfıkatty berý týraly egjeı-tegjeıli aıtyp berdi, dep habarlaıdy Almaty-akshamy.kz
«ST-KZ» nysanyndaǵy taýardyń shyǵý tegi týraly sertıfıkat - taýardyń shyqqan eli Qazaqstan Respýblıkasy ekenin kýálandyratyn qujat», - dep habarlady A. Qoshmambetov.
Osy túrdegi sertıfıkattar mejeli elde tarıftik preferensıalardy (kedendik bajdardy tómendetý nemese odan bosatý), tarıftik emes retteýdi (taýardy ákelýge/áketýge tyıym salýlar, shekteýler) alý úshin resimdeledi. Al ındýstrıalyq sertıfıkat otandyq óndirýshiniń mártebesin rastaıdy.
Aǵymdaǵy jyldyń basynan bastap 14 jeltoqsan boıynsha Almaty qalasynyń Kásipkerler palatasy 102 ındýstrıalyq sertıfıkat, «CT-KZ» nysanyndaǵy 714 sertıfıkat jáne eksportqa shyǵarylatyn 9 319 sertıfıkat berildi.