Qala turǵyndary men buqaralyq aqparat quraldarynan kelip túsken saýaldarǵa baılanysty Almaty ákimdigi Medeý aýdanyndaǵy negizgi qurylys nysandarynyń naqty ornalasýyna qatysty egjeı-tegjeıli túsindirmeler jarıalaıdy.
Almaty qalasynyń Jer qatynastary basqarmasy
1. Kongres ortalyǵy jáne onyń naqty shekaralary
Zamanaýı kópbeıindi Kongres ortalyǵy jeke, arnaıy bólingen ýchaskede salynady.
Ýchaskeniń shekaralary: Aldar Kóse kóshesi (soltústik) – 8-gvardıalyq dıvızıa kóshesi (shyǵys) - Shýkshın kóshesi (ońtústik) – Jamaqaev kóshesi (batys)
Jalpy alańy: 11 gektar, onyń ishinde: 8,7 gektar memlekettik qorda, 2,17 gektar memleket muqtajy úshin satyp alynady (28 menshik ıesi), onyń ishinde 12 menshik ıesinen 1,0956 gektar jer satyp alyndy.
Bul ýchaske yńǵaıly tasymaldaý múmkindigi bar ortalyq qurý úshin ońtaıly alań retinde tańdaldy.
2. AQSH Bas konsýldyǵy
Dıplomatıalyq keshen úshin múlde bólek, bos ýchaske bólingen.
Ýchaskeniń shekaralary: ál-Farabı dańǵyly (ońtústik) - Seıfýllın dańǵyly (batys) - Aldar Kóse kóshesi (soltústik) – Jamaqaev kóshesi (shyǵys)
Jalpy alańy – 7,05 gektar
Kongres ortalyǵyna deıingi araqashyqtyq: 300-400 metr
3. Saıabaq aımaǵy jeke aımaq
Jasyl aımaq qurylady.
Shekaralary: ál-Farabı dańǵylynyń ońtústigi – Nazarbaev dańǵylynyń batysy.
Jalpy alańy: 9,7 gektar, onyń ishinde: 6,7 gektar memlekettik qorda, 3 gektar jer memleket muqtajy úshin satyp alynady (92 menshik ıesi), onyń ishinde 6 menshik ıesinen 0,25 gektar jer satyp alyndy.
* Ótemaqylar men kepildikter:
Árbir joba aıasynda:
* jer telimderin májbúrlep alyp qoıý bólek rásimder arqyly júrgiziledi;
* barlyq taraptyń quqyǵy teń dárejede qamtamasyz etiledi;
* ótemaqy somasy jerdiń naryqtyq qunyna saı, táýelsiz baǵalaýshy kompanıalar arqyly anyqtalady.