Azamattar 700 teńge turatyn sapasyz oıynshyqqa qatysty da ótemaqy talap etip, óz quqyqtaryn qorǵaǵan, dep habarlaıdy aqshamnews.kz
Bul týraly Tutynýshylardyń quqyqtaryn qorǵaý komıteti habarlady.
2025 jyldyń alǵashqy bes aıynda tutynýshylardyń shaǵymdary boıynsha jalpy somasy 881,3 mıllıon teńgeden astam qarajat qaıtaryldy. El azamattary kóbinese sapasyz taýarlarǵa (avtokólikter, kosmetıka, uıaly telefondar), qyzmetterdiń oryndalmaýyna (shıpajaı joldamalary, qoǵamdyq tamaqtaný, fıtnes, týrızm), sondaı-aq rásimdelmegen nemese ýaqtyly berilmegen jyljymaıtyn múlikke shaǵymdanǵan.
«Qaraǵandy oblysynda 45 kúnnen asa ýaqyt berilmegen páter boıynsha shart talaptarynyń oryndalýy qamtamasyz etilip, tutynýshy 33,5 mln teńge turatyn jyljymaıtyn múlikke qol jetkizdi. Semeıde qoǵamdyq tamaqtaný ornynda tutynýshynyń tapsyrysy oryndalmaı, mekeme ákimshilik jaýapkershilikke tartyldy», - delingen mınıstrlik taratqan aqparatta.