Bul sheshim turǵyndardyń suranysyna baılanysty ázirlengen.
Almatyda Abaı men ál-Farabı dańǵyldary aralyǵynda kóp páterli turǵyn úı keshenderiniń qabattylyǵyna shekteý qoıylady, dep josparlanýda. Odan bólek, qalalyq josparlaý jáne ýrbanıstıka basqarmasy ázirlegen jobaǵa sáıkes, Abaı dańǵylynyń joǵarǵy jaǵynan ál-Farabı dańǵyly aralyǵynda boı kóteretin úıler endi 9 qabattan aspaýy tıis. Bul týraly qalalyq josparlaý jáne ýrbanıstıka basqarmasynyń basshysy Almasqan Ahmedjanov málimdedi, dep habarlaıdy Almaty-akshamy.kz Almaty.tv silteme jasap.
Onyń aıtýynsha, bul sheshim, eń birinshiden, turǵyndardyń suranysyna baılanysty ázirlengen. Normatıvtik-quqyqtyq akt kúshine enýi úshin, ol Almaty qalalyq máslıhatynda qabyldanyp, Qazaqstan Respýblıkasynyń ádilet organdarynyń tirkeýinen ótýi qajet.
«Turǵyn úıler sany tez ósip jatyr. Al áleýmettik ǵımarattar úlgere almaı jatyr. Sol sebepti ony durystap retteý úshin biz osyndaı arhıtektýralyq saıasatty shyǵardyq», - dedi Josparlaý jáne ýrbanıstıka basqarmasynyń basshysy Almasqan Ahmedjanov.