Almaty qalasynyń Jetisý aýdanynda jalpy uzyndyǵy 7,5 km aryq jelisin salý jáne rekonstrýksıalaý jumystary júrgizilýde, dep habarlaıdy almaty-akshamy.kz.
Jetisý aýdanynyń ákimi Gúlnar Kókebaevanyń tapsyrmasy boıynsha turǵyn alaptar men joldardyń sý basýyn boldyrmaý maqsatynda qoldanystaǵy aryq jelileri sý aǵynyna tótep bere almaıtyn nemese múldem joq 25 ýchaske anyqtaldy. 
Qazirgi ýaqytta Qulynshaq, Latıf Hamıdı kósheleri, Kolpakovskıı kóshesinen Pestkovskıı kóshesine deıin; Serpin kóshesi, Janbota kóshesi, Mańǵyshlaq kóshesi, Bykovskıı kóshesi, Maıakovskıı kóshesi, Rysqulov dańǵyly, Goncharov kóshesinen Esentaı ózenine deıin, Kazakov kóshesi, Krylov kóshesi, Nıazbekov kóshesi, Venesıanov kóshesi, Jetisý kóshesi, Jangeldın kóshesi, Jansúgirov kóshesi, Serikov kóshesi, Ratýshnyı kóshesiniń qıylysy, Toqtarov kóshesi, Volochaevskaıa kóshesi boıyndaǵy qurylys jumystary aǵymdaǵy jyldyń sońyna deıin aıaqtalady.
Sondaı-aq, bıyl Jangeldın kóshesi, Komýnalnaıa kóshesi, Rysqulov dańǵyly, Ýssýrııskaıa kóshesiniń qıylysy, Jumabaev kóshesi, Stanıslavskıı kóshesi, 158 mekenjaıy boıynsha 6 ýchaskede aryq jelisin aǵymdaǵy jóndeý jumystary josparlanǵan. Jalpy uzyndyǵy 1,7 km. jumystar aǵymdaǵy jyldyń tamyz aıynyń sońyna deıin aıaqtalady. 
Aýdan aýmaǵynda aryq jelileri jalpy uzyndyǵy 107 km 69 kóshede ornalasqan, onyń ishinde 3 km jasyl jelekterdi sýarý úshin paıdalanylady. Aryq jelilerine sý aǵyny qalanyń joǵarǵy bóliginen keledi.
Aıta keteıik, Jetisý aýdanynyń ákimi laýazymyna Gúlnar Kókebaeva 2020 jyldyń qazan aıynda taǵaıyndalǵan bolatyn.