Jetisý aýdany Almatyda ónerkásip jáne saýda kólemi boıynsha kóshbasshylardyń biri bolyp tabylady. Bul týraly qala basshysy Erbolat Dosaev aýdan turǵyndarymen eseptik kezdesý barysynda málimdedi.
Máselen, 2023 jyly Jetisý aýdanynda ónerkásip kólemi 25,2% – ǵa, kóterme saýda-77% - ǵa ósti. Aýdan ekonomıkasyna shamamen 100 mlrd teńge ınvestısıa salyndy, onyń ósimi 30,4% -. qurady.
"Bul Almaty qalasynyń búdjetine salyq túsimin 33,6% - ǵa ulǵaıtýǵa jáne 4 809 jańa turaqty jumys ornyn qurýǵa múmkindik berdi", - dep atap ótti Erbolat Dosaev.
Almatynyń Jetisý aýdanynda 9,4 myńnan astam zańdy tulǵa tirkelgen, olar 44 myńnan astam adamdy jumys oryndarymen qamtamasyz etýde. Sondaı-aq, 30,8 myńnan astam shaǵyn jáne orta kásiporyndar jumys isteıdi.
Almaty ákimi habarlaǵandaı, sońǵy 2 jylda Jetisý aýdanynyń búdjeti 2023 jyldyń basyndaǵy 7,5 mlrd teńgeden 2024 jyly 20,5 mlrd teńgege deıin 2,7 esege ulǵaıtyldy, olar ınjenerlik, áleýmettik jáne jol ınfraqurylymyn damytýǵa basym baǵyt berýde.