Jetisý aýdanynda sapaly syrtqy jaryqtandyrýmen jáne elektrmen jabdyqtaýmen qamtamasyz etý jumystary belsendi júrgizilýde. Elektrmen jabdyqtaý jelileri jańǵyrtyldy, shamdar men kabel jelileri aýystyryldy. Bul týraly Almaty ákimi Erbolat Dosaev Jetisý aýdanynyń turǵyndarymen kezdesý barysynda habarlady.
"Sizdiń aýdandaǵy ózekti máselelerdiń biri sapaly syrtqy jaryqtandyrýmen qamtamasyz etý bolyp qala beredi. 2023 jyldyń qarasha aıynan bastap qazirgi ýaqytqa deıin aýdanda 4 brıgada jumys isteıdi, olardyń 948 shamdary men 7,7 km kabeldik jelileri aýystyryldy. Bıyl bul jumystar jalǵasýda jáne ishinara jaryqtandyrylmaǵan 40 kóshege kóshe jaryǵyn ornatý jumystary júrgiziletin bolady", - dedi Erbolat Dosaev.
Sonymen qatar, ótken jyly Palladın – Pavlodar – Boraldaı kósheleriniń alańynda elektrmen jabdyqtaý jelilerin jańǵyrtý júrgizildi. 21,5 km elektr jelileri salyndy, 6 transformatorlyq qosalqy stansıa (QS) ornatyldy. Osynyń arqasynda bıyl sáýir aıynyń sońyna deıin 1 000-ǵa jýyq abonent turaqty elektrmen qamtamasyz etiledi.
Qala basshysy atap ótkendeı, Kemel sh / a elektrmen jabdyqtaý jelilerin jańartý jumystary aıaqtalýda. 43,5 km jeli salyndy, 12 QS ornatyldy, qalǵan 2 QS ornatý jumystary júrgizilýde. 2024 jyldyń sáýir aıynyń sońyna qaraı turǵyndar qalalyq elektr jelilerine qosylady. Osy shaǵyn aýdan turǵyndaryn tolyq qamtý úshin qosymsha 110 tirek ornatylyp, Alqıssa, Oktábrskaıa jáne Kresnaıa kóshelerinde shamamen 3 km kabel jelileri salyndy.
2023 jyly "AJK" AQ Elektrmen jabdyqtaýdyń 2 km áýe jelilerin, 17,7 km kabeldik elektr jelilerin, transformatorlyq qosalqy stansıalardyń 10 taratý pýnktin (RP/TP) kúrdeli jóndeýden ótkizdi. Sondaı-aq, aǵymdaǵy jóndeýmen 50,8 km energıamen qamtamasyz etýdiń áýe jelileri jáne 88 RP/TP qamtyldy.
"2024 jyly" AJK" AQ ınvestısıalyq baǵdarlamasy aıasynda 4,8 km kabeldik elektr jelilerin qaıta jańartý, 14,8 km elektrmen jabdyqtaý kabeldik jelilerin jáne 8,4 km energıamen qamtamasyz etetin áýe jelilerin kúrdeli jóndeý, 14 RP/TP, 59,7 km áýe elektr jelilerin jáne 47 QS aǵymdaǵy jóndeý josparlanǵan", - dep habarlady Almaty ákimi.