8 kompanıa zańsyz medısınalyq jabdyqtar óndirgen.
Taldaý nátıjesi boıynsha, SQ-Farmasıanyń halyqty dárilik zattarmen jáne medısınalyq buıymdarmen qamtamasyz etýde sybaılas jemqorlyqqa jol bergeni anyqtaldy , dep habarlaıdy Almaty-akshamy.kz
Osylaısha, dári-dármekterdi satyp alý boıynsha aýksıondardyń jartysynan kóbi básekelestik emes tásilmen ótkeni belgili boldy.
2020-2023 jyldardaǵy aýksıondardyń qorytyndysy boıynsha únemdeýdiń edáýir úlesi (81 paıyz) barlyq lottardyń 8 paıyzy esebinen ǵana qalyptasty (6513-ten 567-si). Árbir úshinshi lotta (1969 nemese 30 paıyz) baǵa (0-den 30 tıynǵa deıin) múlde tómendemegen.
Tenderlik komısıa medısınalyq jabdyqty satyp alý kezinde tender sharttaryna sáıkes kelmeıtin jabdyqtaýshylardy aýksıonǵa qatystyrǵan. Sondaı-aq satyp alý qunyn negizsiz kótergen.
Osylaısha quny ártúrli, biraq tehnıkalyq sıpattamalary uqsas medısınalyq jabdyqtardy satyp alý boıynsha 13 shart anyqtaldy. Olar 6,7 mıllıard teńgege asyra baǵalanǵan.