Almaty ákimdigi bekitken egjeı-tegjeıli josparlaý (ETJ) jobalaryn ázirleý kezinde qala turǵyndarynyń qoǵamdyq talqylaýlar men saýalnamalyq zertteýlerdiń qorytyndylary boıynsha usynystary eskerildi, dep habarlaıdy almaty-akshamy.kz
Qoǵamdyq tyńdaýlarda 500-ge jýyq usynys tústi. Sonymen qatar, 17 myńnan astam qala turǵynynyń saýalnamasy taldandy.
ETJ ázirleýshiler jeke jáne az qabatty qurylys máseleleri boıynsha aýdan belsendilerimen jáne turǵyndarymen kóptegen kezdesýler ótkizdi. Olardyń tilekterin eskere otyryp, qalanyń qoldanystaǵy qurylys aýmaqtaryn ıgerý kezeńdiligi anyqtaldy – birinshi kezekte 2030 jylǵa deıin jáne odan keıin 2040 jylǵa deıin.
Eske salsaq, jańa ETJ qalanyń 2040 jylǵa deıingi Bas josparyna sáıkes ázirlengen. Bas josparda bizdiń megapolıstiń damýynyń monoortalyq modelinen polıortalyq kóshý prınsıpi jatyr. Osylaısha, 2030 jylǵa deıin qala ákimdiginiń jobalyq ofısi aıasynda 5 polıortalyq qurylatyn bolady – olar arnaıy aımaqtar, qoǵamdyq jáne iskerlik belsendilik ortalyqtary: «Shyǵys qaqpasy», «Tarıhı ortalyq», «Soltústik», «Ońtústik-batys», «Batys».
Jańa ETJ-dyń negizgi maqsaty-ınfraqurylymnyń strategıalyq damýyn eskere otyryp, haotıkalyq qurylys salýdy boldyrmaý jáne jer ýchaskelerin tıimdi bólý. Bul rette aldyńǵy ETJ-men salystyrǵanda negizgi ózgerister ıgerilmegen aýmaqtarǵa áser etti. Olardy ázirleý kezeńinde aýdan turǵyndarymen kezdesýler ótkizilip, ár ýchaske boıynsha túsiniktemeler júrgizildi.
ETJ-da Almatynyń úzdik álemdik tájirıbeleri, geografıalyq jáne klımattyq erekshelikteri eskerildi. Olar turaqty jáne fýnksıonaldy qalalyq keńistikti qurýǵa baǵyttalǵan, qala qurylysyn aımaqtarǵa bólýdiń, qyzyl syzyqtardyń, halyqqa áleýmettik, mádenı jáne komýnaldyq qyzmet kórsetý obektilerin ornalastyrý úshin aýmaqtardy rezervteýdiń, kóshe-jol jelisin uıymdastyrýdyń, ınjenerlik komýnıkasıalardy trassalaýdyń, aýmaqtardy abattandyrý men kógaldandyrýdyń negizgi baǵyttaryn belgileıdi.