Almaty ákimdigi bekitken egjeı-tegjeıli josparlaýdyń jańa jobalary ınjenerlik jeliler úshin ótý arnalaryn qurýdy kózdeıdi. Jańa ETJ qalanyń 2040 jylǵa deıingi Bas josparyna sáıkes ázirlendi, onda megapolısti damytýdyń monosentrıstik modelinen polısentrıstikke kóshý qaǵıdasy jatyr, dep habarlaıdy almaty-akshamy.kz
Qalalyq josparlaý jáne ýrbanıstıka basqarmasynyń habarlaýynsha, polısentrler jobalanǵan aýdandarda magıstraldyq ınjenerlik komýnıkasıalardy ótý arnalaryn ornalastyrý josparlanǵan. Bul shara jol jáne trotýar jabynyn qoparmaı, sonymen qatar, kógalǵa zıan keltirmeı jóndeý jumystaryn júrgizýge múmkindik beredi.
«ETJ-da qyzmet kórsetýshi personal, jóndeý materıaly men jabdyqtary úshin uzyndyǵy 27 km ótý arnalaryn ornatý kózdeledi. Bul ádis Samal shaǵyn aýdandaǵy qurylys kezinde synalǵan, biraq tolyq engizilmeı, aıaqsyz qalǵan. Mundaı ádispen komýnıkasıa ornatý qymbatyraq, alaıda uzaq merzimdi perspektıvada aıtarlyqtaı qarajat únemdeýge múmkindik beredi», - dedi basqarma ókilderi.
Jalpy, ETJ turaqty jáne fýnksıonaldy qalalyq keńistik qurýǵa baǵyttalǵan. Olar qala qurylysyn aımaqtarǵa bólýdiń, qyzyl syzyqtardyń, halyqqa áleýmettik, mádenı jáne komýnaldyq qyzmet kórsetý nysandaryn ornalastyrý úshin aýmaqtardy rezervteýdiń, kóshe-jol jelisin uıymdastyrýdyń, ınjenerlik komýnıkasıalardy júrgizýdiń, aýmaqtardy abattandyrý men kógaldandyrýdyń negizgi baǵyttaryn belgileıdi.