OKQ-de ótken baspasóz konferensıasynda Almaty ákimi Baqytjan Saǵyntaev qala ekonomıkasynyń ejelgi salalaryn qalpyna keltirý jáne 800-den astam jumys orny qurylatyn Indýstrıaldy aımaqtyń mańyzdy róli týraly aıtty.
Almatynyń ónerkásiptik sektoryn qoldaý aıasynda Indýstrıaldy aımaq qarqyndy damýda. Munda jyl sońyna deıin 823 jumys ornyn quraıtyn 40,3 mlrd teńgege 9 joba iske asatyn bolady.
Jańa kásiporyndarda avtoklavtalǵan gazbeton, medısınalyq maqsattaǵy dıagnostıkalyq testiler, tabıǵı tastan jasalǵan buıymdar, salqyndatqysh suıyqtyqtar, úlken dıametrli dánekerlengen bolat qubyrlar, elektr buıymdary, ınjenerlik santehnıka jáne jylytý jabdyqtary, ortasha vóltty keshendi taratý qondyrǵylaryn shyǵarý óndirisi jolǵa qoıylady.
Jobalardy «Rahat BK», «G.S.G. Vysotnık»,« Kaz-Dıa-Test», City Stone, «Álem tynysy», Asia steel pipe corporation, «Elektrobar», Valtherm, Technokont sıaqty kásiporyndar júzege asyrady.
Qazirgi kezde bólingen jer ýchaskelerinde qurylys-montaj jumystary qyzý júrgizilýde. Keıbir rezıdent-kompanıalar ǵımarattardyń ishterin árleýde, óndiristik jabdyqtardy jetkizýde jáne aýmaqtardy abattandyrýda.
Indýstrıaldy aımaqta shaǵyn kásiporyndar úshin alańy orta eseppen 5 myń sharshy metr bolatyn óndiris oryndary salynýda. Bıylǵy jyly 20 myń sharshy metrlik tórt shaǵyn óndiristik parkti saıabaqty iske qosý josparlanýda, ınvestısıa kólemi 3,2 mlrd teńgeni quraıdy, 900 jumys orny ashylady.
Almatydaǵy shaǵyn ónerkásiptik parkterdiń rezıdentteri úshin jyldyq 2%-ben jeńildetilgen qarjylandyrý qarastyrylǵan, jalǵa beriletin 1 sharshy metr orynnyń quny – 1200 teńge.
«Alataý» ITP» AEA-da jyl basynan beri prıbor jasaý jasaý jáne farmasevtıka salalary boıynsha 8 jobaǵa qatysty óndiristik alańdardy jobalaý bastaldy. Jalpy ınvestısıa kólemi 44,5 mlrd teńgeni quraıdy, 1,6 myńnan astam jumys orny qurylady.
Qala úshin mańyzdy sala saýda bolyp qala beredi - JÓÓ-niń 32,9%, jumyspen qamtylǵandardyń 24,4%. Aǵymdaǵy jyly bazarlardyń ornyna 81 jańa zamanaýı saýda nysandaryn iske qosý josparlanýda.
Almatyda onlaın-taýar aınalymynyń kólemi 2,3 esege (228,6%) ósti. Qaladaǵy ınternet-dúkenderdiń úlesi eldegi barlyq dúkenderdiń 60%-yn quraıdy.