Áleýmettik-ekonomıkalyq sala boıynsha ekonomıkalyq quldyrýǵa jol berilgen joq.
Ortalyq komýnıkasıalar qyzmeti alańynda baspasóz konferensıasyna qatysqan qala ákimi Baqytjan Saǵyntaev Almatynyń aǵymdaǵy jyldyń 5 aıyndaǵy áleýmettik-ekonomıkalyq damýy týraly aıtty, dep habarlaıdy Almaty-akshamy.kz
Qysqa merzimdi ekonomıkalyq ındıkator 5 aıda 107,8%-dy qurady (QR — 102%). Ónerkásipte ósim 19,7%-ǵa (JÓÓ-degi úlesi — 5,4%; a.j. qańtar-sáýirinde — 119,5%) qamtamasyz etildi, qurylys 24,7%-ǵa ósti (2,7%; 132,9%), baılanys qyzmetteri - 13,4% (6%); 112,9%), saýda — + 4,7% (32,9%; 104,2%).
Paıdalanýǵa berilgen turǵyn úı kólemi 13,3%-ǵa ósti, 570 myń sharshy metrden astam turǵyn úı salyndy (572,4 myń sharshy metr).
Negizgi kapıtalǵa salynǵan ınvestısıalar 32,7% ósimmen 355,4 mlrd teńgeni qurady. 1,1 trln teńge kóleminde salyq jınaldy. +27,8%. Respýblıkalyq búdjetke barlyǵy 791 mlrd teńge (+ 26,8%), jergilikti búdjetke 349,3 mlrd teńge (+ 30%) salyq tústi.
Almatyda jyl basynan beri ınflásıa 3,4%-dy qurady, bul respýblıka deńgeıinen tómen (QR — 3,5%). Azyq-túlik taýarlary boıynsha ınflásıa qalada respýblıkalyq deńgeıde — 104,9%, azyq-túlik emes taýarlar boıynsha - 103,2% (QR — 103,1%), aqyly qyzmetter boıynsha — 101,6% (QR — 102,1%).