Ótken jyldyń qorytyndysy boıynsha Almatynyń ındýstrıaldy aımaǵynda jalpy quny 25,17 mıllıard teńge bolatyn 10 joba júzege asyp, 1 319 jumys orny ashyldy.
Olardyń ishinde 5 óndiristik kásiporyn bar. Atap aıtqanda, turmystyq hımıa jáne jeke gıgıena quraldaryn shyǵaratyn zaýyt, halyqaralyq tólem júıeleriniń bank kartalaryn óndiretin zaýyt, tolyq sıkldi temirbeton buıymdaryn shyǵaratyn zaýyt, avtomobılderge arnalǵan elektrondy aýdıo jáne beıne jabdyqtaryn óndiretin zaýyt jáne kabeldik-ótkizgish ónimder shyǵaratyn óndiristik keshen, dep habarlaıdy aqshamnews.kz.
Óndiristik kásiporyndarmen birge 2024 jyly Almatynyń ındýstrıaldy aımaǵynda aýdany 3000-nan 5100 sharshy metrge deıingi 5 shaǵyn ónerkásiptik park salyndy. Bul nysandardy salýǵa jeke ınvestorlar 2,27 mıllıard teńgeden astam qarjy jumsady. Bul jobalar aıasynda 614 jumys ornyn ashý josparlanǵan.
Aıta keteıik, Almatynyń ındýstrıaldy aımaǵynyń qatysýshylary quny 556,8 mıllıard teńge bolatyn 107 kompanıa ashyp, 14 496 jumys ornyn qurǵan. 2016-2024 jyldar aralyǵynda Almatynyń ındýstrıaldy aýmaǵynda jalpy somasy 139,1 mıllıard teńge bolatyn 40 joba júzege asyryldy. Bul kásiporyndarda 4 403 jumys orny ashyldy.
