Almatylyqtar HQKO-na qaı qyzmetke jıi júginetini jaıly ÓKQ brıfıńinde «Azamattarǵa arnalǵan úkimettiń» Almaty qalasy boıynsha fılıalynyń ókilderi aıtty.
«Azamattarǵa arnalǵan úkimet» memlekettik korporasıasynyń Almaty qalasy boıynsha fılıalynyń quramyna halyqqa qyzmet kórsetý boıynsha 13 bólim jumys isteıdi (sonyń ishinde, 4 mamandandyrylǵan HQO bólimderi, 1 kóshi-qon bólimi jáne 8 aýdandyq halyqqa qyzmet kórsetý ortalyqtary), dep habarlaıdy Almaty-akshamy.kz.
«Azamattarǵa arnalǵan úkimet» memlekettik korporasıasy» komersıalyq emes aksıonerlik qoǵamynyń Almaty qalasy boıynsha fılıaly 2023 jyldyń 12 aıynda 2 861 085 memlekettik qyzmet kórsetti. Onyń ishinde Mamandandyrylǵan halyqqa qyzmet kórsetý jónindegi bólim arqyly 1 280 252 memlekettik qyzmet túri jáne de memlekettik qyzmet kórsetý HQO-lar arqyly ózine-ózi qyzmet kórsetý sektorlarynda 1 580 833 memlekettik qyzmet, elektrondyq úkimet portaly arqyly – 31 075 qyzmet alǵan», - dedi Azamattarǵa arnalǵan úkimet MK KAQ Almaty qalasy boıynsha fılıalynyń sapany baqylaý basqarmasynyń basshysy Madına Amanova.
Sonymen birge, spıker eń tanymal qyzmetterdi atap ótti:
- Elektrondyq-sıfrlyq qoltańbany alý:
- Kólik quralyn tirkeý;
- Júrgizýshi kýáligin alý;
- Áleýmettik sektor qyzmetteri;
- Jyljymaıtyn múlikti tehnıkalyq tekserý jáne tirkeý.
- QR azamattaryna pasporttar men jeke kýálikter daıyndaý jáne berý.
Memlekettik kórsetiletin qyzmetter tizilimine sáıkes 1353 memlekettik qyzmet túrleriniń ishinen mynalardy alýǵa bolady:
- Memlekettik korporasıa arqyly 1267 qyzmet (93,6%);
- «elektrondyq úkimet» portaly arqyly 1214 qyzmet (89,7%);
- tek qyzmet kórsetýshi arqyly 84 qyzmet (6,2%).
«2023 jyly 996 802 kólik quraly tirkelgen. 427 303 sheteldik pasporttar men jeke kýálikter daıyndalyp berildi, bul rette ótken jyly 5300-ge jýyq adam Medeý HQKO-da belgilengen qujattaý termınaldary arqyly ótinim berdi. 2024 jyly Áýezov aýdandyq HQO-da qujattandyrý termınaldaryn ornatý josparlanýda. 418 782 elektrondyq-sıfrlyq qoltańba berildi. 265 326 júrgizýshi kýáligi berildi», - dedi M.Amanova.
Sonymen qatar, fılıaly jer kadastry, jyljymaıtyn múlikti tehnıkalyq tekserý, jyljymaıtyn múlikti jáne zańdy tulǵalardy tirkeý jelisi boıynsha 442 078 memlekettik qyzmet kórsetti.
Áleýmettik blok jelisi boıynsha 2023 jyly 313 211 memlekettik qyzmet kórsetildi. AHAT jelisi boıynsha 50 383 memlekettik qyzmet kórsetildi.