Qylmyskerlerdiń oljasy 3 mıllıon teńge jáne 13 myń dollardan asady.
Jańa jyl qarsańynda Sıngapýr azamattaryna qaraqshylyq shabýyl jasaldy, dep habarlaıdy Almaty-akshamy.kz Polisia.kz-ke silteme jasap.
Belgisiz bes adam sheteldikterdiń jaldamaly úıine basyp kirip, olardy qarýmen qorqytyp, jıǵan-tergenderin berýdi talap etken. Qylmyskerlerdiń oljasy 3 mıllıon teńge jáne 13 myń dollardan asady.
«Bul qylmysty ashý úshin arnaıy jedel-tergeý toby quryldy. Shabýyl jasaǵandar anyqtalyp, ustaldy. Bul – 1999, 2001, 2003 jyly týǵan Almaty oblysynyń bes turǵyny. Qylmystyń negizgi uıymdastyrýshysy T.esimdi azamat buryn qaraqshylyq shabýyl jasaǵany úshin sottalǵan. Aıtpaqshy, ol zardap shekkendermen jumys istegen, olardyń tabysy týraly biledi. Qylmystyq oqıǵanyń hronologıasyn jáne barlyq daıyndyq prosesin jyldam qalpyna keltirýge múmkindik týdy. Bul rette beınebaqylaý júıeleri mańyzdy ról atqardy. Aıǵaqty zattar, onyń ishinde eki oıynshyq tapansha tárkilendi», – dedi Almaty qalalyq polısıa departamenti bastyǵynyń orynbasary Dıdar Ahanov.
Kúdiktiler PD-nyń ýaqytsha ustaý ızolátoryna qamaldy. Shetel azamattary polısıanyń kásibı jumysyn erekshe atap ótti.
«Bizdi qatty qorqytty. Polısıa qyzmetkerleri jarady. Qylmyskerlerdi tez qolǵa túsirdi. Olarǵa óz atymnan jáne elimizdiń atynan sheksiz alǵysymdy bildirgim keledi», – dedi jábirlenýshilerdiń biri.