Oıyq jaraly kolıt jáne Kron aýrýy sıaqty ishektiń qabyný aýrýlary (IQA) – pasıentterdiń ómir súrý sapasyna aıtarlyqtaı áser etetin eń aýyr sozylmaly, aýtoımmýndy ishek aýrýlarynyń biri. Turaqty aýyrsyný, dıareıa, aǵzanyń álsireýi jáne ádettegi ómir saltymen júre almaý – naýqastar osyndaı jaısyzdyqtardy sezinedi. Alaıda, Kardıologıa jáne ishki aýrýlar ǴZI mamandary bul syrqatty da nátıjeli emdeýge bolatynyn aıtady.
Jýyrda Marına Sývorova dárigerlerge Kron aýrýy dıagnozymen aýyr jaǵdaıda kómekke júgindi. Ol únemi ishtiń aýyrsynýyn, qanmen birge júretin dáretke jıi barýdy jáne álsizdikti bastan keshken. Basqa mekemelerde emdelgeni nátıje bermegendikten, bul onyń fızıkalyq jáne emosıonaldyq jaǵdaıyn nasharlatqan.
Jaǵdaıdyń kúrdeliligin túsine otyryp, ǴZI dárigerleri muqıat tekserý júrgizdi: endoskopıalyq jáne zerthanalyq zertteý, ishektiń últradybystyq zertteýin, MR-enterografıa jasady. Keshendi tásildiń arqasynda dárigerler aýrýdyń satysy men sıpatyn dál anyqtaı aldy, bul jeke terapıany taǵaıyndaýǵa negiz boldy.
Eki jyl buryn Qonaev qalasynyń turǵyny Djýletta Hamýevaǵa (43 jasta) da oıyq jaraly kolıt dıagnozy qoıylǵan. Ony qatty aýyrsyný men qan ketý mazalaǵan, áreń júrgen, kún saıyn dene qyzýy kóterilip, temperatýra 38-40°C-qa jetken, 15 kg salmaq joǵaltqan. Aýrý saldarynan revmatoıdty artrıt damyp, tipti súıekteri de aýyrǵan. Basqa aýrýhanalarda emdelgeni nátıje bermegen. Oǵan Kardıologıa jáne ishki aýrýlar ǴZI – İQA boıynsha jetekshi maman, basqarma tóraǵasynyń orynbasary Jamıla Qaıbýllaevaǵa júginý usynylǵan, ol pasıenttiń aýyr anemıa, álsizdik jaǵdaıyn eskere otyryp, zertteýden ótý jáne terapıany tańdaý úshin aýrýhanaǵa jatýyna yqpal etti.
Djýletta №1 terapıa bólimshesinde emdeý kýrsyn ótti. Emdeýden keıin aýrýdyń turaqty remısıasy baıqalady. Durys tańdalǵan keshendi jáne qarqyndy terapıa bir apta ishinde endoskopıalyq remısıaǵa jetkenge deıin onyń jaǵdaıyn edáýir jaqsartýǵa múmkindik berdi, ony ınstıtýttyń endoskopıalyq mamandary rastady.
Osy oraıda gastroenterologtar komandasy: Jamıla Qaıbýllaeva, Isa Musataev jáne jas rezıdent dáriger Áıgerim Sarbaevanyń kásibı eńbegin atap ótken jón.
«Bizdiń ınstıtýt – asqazan-ishek joldarynyń patologıasy bar naýqastarǵa kómek kórsetý boıynsha jetekshi respýblıkalyq ortalyq. Dıagnostıkanyń zamanaýı tehnologıalary men terapıanyń úlken arsenalynyń bolýy pasıentterge emdeý jáne ońaltý qyzmetteriniń tolyq spektrin alýǵa múmkindik beredi. Biz árbir pasıentke sapaly kómek pen tolyqqandy ómirge oralý úshin qajetti qoldaý kórsetýge tyrysamyz. İQA ómir boıǵy aýrýlarǵa jatatynyna qaramastan, ýaqytyly durys dıagnoz qoıý jáne durys emdeý arqyly aýrýdyń aýyr túrine ótýine jol bermeı, turaqty remısıaǵa qol jetkizýge bolady. Osynyń arqasynda pasıentter tolyqqandy ómir súrip, eńbekke qabilettiligin saqtaı alady», – deıdi Basqarma tóraǵasy Marat Pashımov.