Jańa jyl qarsańynda Almaty metropolıteni erekshe keıipke endi: beketter men vagondar merekelik jaryqtarmen kómkerilip, ásem dekorasıalarmen bezendirildi. Turǵyndar bul jańa jyldyq kóńil-kúı syılaıtynyn aıtady.
Ár bekette shyrsha ornatylyp, taqyryptyq oıynshyqtarmen bezendirilgen. Keıbir vagonda jolaýshylar estelik sýretke túse alatyn merekelik buryshtar bar.
«Biz metrodaǵy árbir sapar jolaýshylarymyz úshin sál de bolsa merekelik bolǵanyn qalaımyz. Beketter men vagondardaǵy áshekeıler adamdarǵa ertegi sezimin syılap, olardy merekelik kóńil-kúıge bóleý úshin jasalǵan», – dedi metropolıtenniń baspasóz qyzmeti.
Qala turǵyndary men qonaqtary merekelik bezendirýdi joǵary baǵalady. Kóptegen jolaýshy áleýmettik jelilerge fotosýretter júktep, mundaı atmosfera úshin rızashylyq bildirip jatyr.