Jóndeý jasalyp jatyr.
Túrksib jáne Jetisý aýdandary boıynsha turǵyn úıler men nysandarǵa gaz berý toqtatyldy, dep habarlaıdy Almaty-akshamy.kz
Tutynýshylardy gazben úzdiksiz qamtamasyz etý úshin Túrksib aýdanynda jóndeý jasalyp jatyr. Soǵan baılanysty gaz ýaqytsha óshirildi.
Túrksib aýdanynda №42 apatty gaz qudyǵyn aýystyrý júrgiziledi. Tutynýshylarǵa gazdy úzdiksiz jáne apatsyz berý úshin D-159 mm orta qysymdy jerasty gaz qubyry jóndelip jatyr. Kassın men Aıbasov kósheleriniń qıylysynda qalpyna keltirý jumysy istelip jatyr.
Eske salaıyq, 30 qazanda Túrksib jáne Jetisý aýdandary boıynsha Rysqulov – Jansúgirov – Omarov – Serikov – Qulager y/a-Seıfýllın-Aqan Seri – Behter-Dostoevskıı-Lýzın kóshelerindegi turǵyn úıler men nysandarǵa gaz berý toqtatyldy.
"İske qosý jumysy 31 qazan bastalyp, gazdan ajyratylǵandardyń kóptigine baılanysty 1 qarashada aıaqtalady. Osyǵan baılanysty, turǵyndardan "Intergaz Ortalyq Azıa" AQ MGQB Almaty gaz sharýashylyǵy qyzmetkerleri júrgizetin jumystar aıaqtalǵanǵa deıin jáne iske qosý bastalǵanǵa deıin gaz krandaryn jabýdy jáne ashpaýdy suraımyz. Májbúrli qolaısyzdyqtarǵa túsinistikpen qaraýdy suraımyz. Óıtkeni jumys Almaty qalasynyń gaz júıelerin apatsyz paıdalaný úshin jasalyp jatyr», delingen "QazTransGaz Aımaq" AQ Almaty óndiristik fılıalynyń baspasóz qyzmeti taratqan aqparatta.