Almatynyń Bostandyq aýdanynda 2000-ǵa jýyq syrtqy jaryqtandyrý shamdary aýystyryldy
Almaty ákimi Erbolat Dosaev turǵyndarmen kezdesý barysynda Bostandyq aýdanyn turaqty elektrmen jabdyqtaý boıynsha atqarylyp jatqan jumystar týraly baıandady, dep habarlaıdy aqshamnews.kz
«AJK» AQ osy kúzde Myńbaev, Jarokov, Kekilbaıuly kósheleri men Gagarın dańǵyly boıyndaǵy 26 km elektr jelisin jańǵyrtýdy aıaqtaýdy josparlap otyr. Bul apattyq óshýlerdiń sanyn edáýir azaıtady.
Sapaly syrtqy jaryqtandyrýdy qamtamasyz etý maqsatynda jyl basynan beri 1 846 sham aýystyryldy. Kúzde taǵy 267 tirek pen shamdar ornatylady. Sondaı-aq, 2024 jyldyń sońyna deıin 9 eskertkishke túngi jaryqtandyrý ornatý josparlanǵan.
Jalpy, qala boıynsha syrtqy jaryqtandyrý jelileriniń uzyndyǵy 4,8 myń km. 2024 jyly aýdandyq ákimdikterge turaqty jaryqtandyrýdy qamtamasyz etý úshin 9,9 mlrd teńge bólindi. Qabyldanǵan sharalardyń arqasynda megapolıste syrtqy jaryqtandyrý deńgeıi 2024 jyly 85%-ǵa, al 2025 jyly 100%-ǵa jetkiziledi.