Almatyda zańsyz stasıonarlyq emes saýda nysandaryn (SESN) jappaı buzý jumystary jalǵasýda.
Osylaısha, qalanyń Bostandyq aýdanynda fast-fýd ónimderin satatyn dúńgirshekter men sılomerler bólshekteldi, dep habarlaıdy aqshamnews.kz.
Qala basshysy Erbolat Dosaevtyń tapsyrmasy boıynsha Almaty qalasy ákimdiginiń bastamasymen óz betinshe ornatylǵan SESN joıý jónindegi naýqan aıasynda 49 stasıonarlyq emes saýda nysandary men 59 sılomerdi buzý júrgizildi.
2025 jyldyń aqpan aıynyń basynan bastap Almatynyń Kásipkerlik jáne ınvestısıalar basqarmasynyń jumys tobymen birlesip memlekettik qordyń jerinde ornalasqan 300-den astam zańsyz nysandar bólshekteldi. Sonymen qatar, turǵyndardyń pikirinshe,shý men qolaısyzdyqty týdyratyn 222 oıyn-saýyq apparattary (sılomerler) alynyp tastaldy.
Qala turǵyny Svetlana Kosareva bul sharalardy qoldap, kóshedegi dúńgirshekter kóbinese túsiniksiz jaǵdaıda daıyndalǵan zıandy taǵamdardy satatynyn, al sılomerler qalanyń tynyshtyǵyn buzatyn shýly kompanıalar jıi bas qosatyn oryn ekenin atap ótti.
Qalǵan 210 zańsyz SESN bólshekteý jumystaryn aǵymdaǵy jyldyń 15 naýryzyna deıin aıaqtaý josparlanýda.
Komýnaldyq qyzmetter osy nysandardyń zańsyz qosylǵan ınjenerlik jelilerin óshirýdi jalǵastyrýda.