Búgingi tańda 84 kóshede ortasha jóndeý jumystary aıaqtaldy.
Óńirlik komýnıkasıalar qyzmetindegi brıfıńte Almaty qalasyndaǵy joldar men ınjenerlik jeliler salynatyn shaǵyn aýdandardyń tizimi belgili boldy, dep habarlaıdy Almaty-akshamy.kz.
Almaty qalasy ákimdiginiń qalalyq mobıldilik basqarmasy basshysynyń orynbasary Ernur Abjahannyń aıtýynsha, qazirgi tańda "Alǵabas", "Álmerek", "Qaırat" shaǵynaýdandarynda jumystar jalǵasyp jatyr jáne "Aqjar" shaǵynaýdanynda jol qurylysy bastaldy, onda 48 shaqyrymǵa jýyq jańa jol salý josparlanýda.
Ol "Qaırat" jáne "Álmerek" shaǵynaýdandaryndaǵy jumystardyń Energetıka jáne sýmen jabdyqtaý basqarmasymen kelise otyryp, ınjenerlik jelilerdiń qurylysynyń aıaqtalýyna qaraı júrgizilip jatqanyn aıtty.
"Alǵabas" shaǵynaýdanynda 2021 jyly 11 shaqyrym jol salynsa, bıylǵy jyldyń sońyna deıin taǵy 9 shaqyrym jol salý josparlanýda», - dedi spıker.
"Aqjar" shaǵynaýdanynda jumystar bıylǵy jyldyń sáýir aıynda bastalǵan. 10 shaqyrymǵa jýyq jańa jol salý josparlanýda. Búgingi tańda 17 kóshege 3 shaqyrym jol salyndy. Tolyq aıaqtaý 2023 jyldyń jeltoqsan aıyna josparlanǵan.
Budan bólek, "Shuǵyla" shaǵynaýdanynda 6,9 shaqyrym jańa joldyń qurylysyn bastalmaq.
Sózin qorytyndylaǵan Ernur Abjahan 2022 jyly jol jabynyn ortasha jóndeý aıasynda uzyndyǵy 219 shaqyrymdy quraıtyn 225 kósheniń jol jabynyn jóndeý josparlanǵanyn aıtty. Onyń ishinde 21-i magıstraldi kóshe, uzyndyǵy 66,3 km. Búgingi tańda uzyndyǵy 50 shaqyrym bolatyn 84 kóshede ortasha jóndeý jumystary aıaqtaldy. Uzyndyǵy 85 shaqyrym bolatyn 59 kóshede jumys kestege saı júrgizilýde.