Almaty qalasynyń Belsendi uzaq ómir súrý ortalyqtary qart azamattardyń ómir súrý sapasyn jaqsartýǵa baǵyttalǵan bastamalardy tabysty engizýdi jalǵastyrýda, dep habarlaıdy aqshamnews.kz
Almaty qalasynyń Belsendi uzaq ómir súrý ortalyǵynyń basshysy Sáýle Beketaeva Óńirlik komýnıkasıalar qyzmetiniń alańynda ótken brıfıń barysynda jumystyń negizgi jetistikteri men baǵyttary týraly aıtyp berdi.
Beketaevanyń aıtýynsha, ardagerler men zeınetkerlerge qamqorlyq jasaý, olardyń shyǵarmashylyq jáne áleýmettik ózin-ózi júzege asyrýy úshin jaǵdaı jasaý, sondaı-aq paıdaly bos ýaqytty uıymdastyrý - áleýmettik saıasattyń mańyzdy basymdyqtarynyń biri. Qazaqstan tarıhynda tuńǵysh ret ortasha ómir súrý uzaqtyǵy rekordtyq kórsetkishke jetti – 74,44 jas, al Almatyda ol 78 jasty quraıdy, bul eldegi eń joǵary kórsetkish. Megapolıste jalpy 250 myńnan astam zeınetker turady.
Almaty 2018 jyly Belsendi uzaq ómir súrý ortalyǵy ashylǵan Qazaqstannyń alǵashqy qalasy boldy. Sodan beri olardyń sany 15-ke deıin ósti, onyń ishinde qalalyq mekemeniń 4 fılıaly bar. Ortalyqtar bilim berý baǵdarlamalary men trenıńterden bastap dene shynyqtyrý, ıoga, bı jáne shyǵarmashylyq sheberhanalarǵa deıin 40-tan astam tegin qyzmet túrlerin usynady. Egde jastaǵy azamattar arasynda «Aıkýne» ulttyq jattyǵýlary, keskindeme kýrstary, hor, qolóner jáne agroterapıa erekshe tanymal.
Ortalyqtarǵa barý zeınetkerlerdiń fızıkalyq jáne emosıonaldyq jaǵdaıyna oń áser etedi. 2024 jylǵy málimetter boıynsha, kelýshiler arasyndaǵy depressıa deńgeıi 50% – ǵa, al jalǵyzsyraý sezimi 55% - ǵa tómendedi. Qatysýshylardyń 70% - dan astamy jalpy densaýlyqtyń, kóńil-kúıdiń jáne belsendiliktiń jaqsarǵanyn atap ótti.
Jyl saıyn qyzmetter men kelýshiler sany aıtarlyqtaı kóbeıýde. Eger 2022 jyly 833 adam qyzmet alsa, 2024 jyly olardyń sany 6 073-ke deıin ósti, al kórsetilgen qyzmetter kólemi sol kezeńde 12 myńnan 313 myńǵa deıin ósti.
Sondaı-aq, ortalyqtardyń qatysýshylary shyǵarmashylyq alańdarda ózderin belsendi kórsetedi. «Aınalaıyn» ansambli halyqaralyq óner baıqaýynda gran-prı jeńip aldy, al «Almaty ájeleri» egde jastaǵy modelder jobasy Italıadaǵy sán aptalyǵynda Qazaqstandy tanystyryp shyqty. Kórmeler, teatr qoıylymdary men mýzykalyq konsertter uıymdastyrylyp turady.
Qorytyndylaı kele, spıker Almatynyń Belsendi uzaq ómir súrý ortalyqtary zeınetkerlerge qoǵam ómirine belsendi qatysýǵa, talanttardy damytýǵa jáne densaýlyqty nyǵaıtýǵa kómektesetinin atap ótti.