Almatynyń Túrksib aýdanynda «Halyq qatysatyn búdjet» baǵdarlamasynyń 50 jobasy iske asyrylýda
Barlyǵy jaıaý júrginshilerdiń qolaılyǵy úshin: Almatyda Baým toǵaıy, Kishi Almaty ózeni jáne ÚAK jaǵalaýlary abattandyrylýda.
Almatynyń Túrksib aýdanynda «Halyq qatysatyn búdjet» baǵdarlamasy boıynsha 52 jobany iske asyrý jalǵasýda. Bul týraly qala ákimi Erbolat Dosaev aýdan turǵyndarymen kezdesý barysynda málimdedi.
Qala basshysy jaıly qalalyq ortany qurýǵa erekshe kóńil bólinetinin atap ótti. Túrksib aýdanynda qalalyq ınfraqurylymdy abattandyrýǵa baǵyttalǵan jalpy somasy 2 mlrd teńgege «Halyq qatysatyn búdjet» baǵdarlamasynyń 52 jobasy iske asyrylýda.
Búginde 40 joba aıaqtaldy. Qalǵan 12 joba osy jyldyń qazan-qarasha aılarynda aıaqtalady.
Kelesi jyly qoǵamdyq keńistikti damytý boıynsha tórt iri jobany iske asyrý josparlanýda.
Bul jobalarǵa skandınavıalyq jaıaý júrginshilerge arnalǵan ekojoldar men shaǵyn sáýlet pishinderin (SHSP) ornatý arqyly Baým toǵaıyn, Kishi Almaty ózeni boıyndaǵy jaıaý-serýendeý aımaǵyn abattandyrý, rekreasıalyq jáne jaǵajaı aımaqtaryn abattandyrý arqyly Úlken Almaty kanalyn (BAK), sondaı-aq Hmelnıskıı kóshesi boıyndaǵy eki toǵandy mehanıkalyq tazartý kiredi. Búginde jobalaý-smetalyq qujattama aıaqtalý satysynda, jyl sońyna deıin memlekettik saraptamalar shyǵýy kútilýde.
Esterińizge sala keteıik, Almatyda saıabaqtar aýmaǵyn 2024 jyly 996 gektarǵa deıin jetkizý josparlanǵan.